ملحم زين يصدر أغنيته حلم جريح

كل ما تمسك غرض بأيدك
كل ما تتطلع بعينيك
كل ما تمشي و توقف فكّر بالناس اللي بطّلو هيك
بشخص عيونو ما بيبتسمو
بالاخبار سمعنا اسمو
اللي ضحّى بقطعة من جسمو
من خوفو عليي و عليك

عروقو بتنزف احلام
جرحو بيشبه وطني
من الحرب،من الالغام
مقاوم و جندي و مدني
حلم جريح بيتحقق بأيديك

كل ما تحس بطعم الفرحه
شارك فيها قلوب الناس
لما بتسعد قلب الجرحى
رح يكبر هيدا الاحساس

هيك خلقنا و هيك ربينا
طيبتنا اجمل ما فينا
بوحدتنا عالكون قوينا و شمخنا و علينا الراس

تحدينا جنون الريح
مسحنا دمعات البكيوا
و قطبنا الجرح منيح
و كفينا باللي بقيو

أغنية جديدة للفنان ملحم زين من كلمات وألحان فارس اسكندر، توزيع مارك عبد النور، ماستيرينغ طوني حداد وتسجيل استوديو روجيه أبي عقل.

كتب فارس اسكندر:
حلم جريح - ملحم زين بهديها من نص القلب لكل الجرحى الأبطال اللي فديونا بأجسادن وإلكن الشفا والصحة والسعادة