انصحوني شو الحــــــل ؟

مرحبا اصدقائي بتمنى تحطوا حالكوا مكاني وتساعدوني بنصيحه حقيقيه بدون استهزاء ..
مشكلتي اني تعرفت على مجموعة اصدقاء من ورا شاشة الكمبيوتر وكانت بداية تعارفنا على اساس تسلايه وصداقات عابره وانا كبنت شرقيه من عائله كتير محافظه
دائما كنت متحفظه تجاه معلوماتي الشخصيه وكلها كانت كذب من اسم ومنطقه واهل وكل حاجه المهم مرة الشهور والسنين وقوية صداقتي فيهم بشكل ما كنت اتوقعو وحقيقة صارو جزء كتير مهم بحياتي وبنفس الوقت كبروا كذباتي معاهم
كتير حاولت ابعد عنهم وانساهم علشان ما اضطر واكشف او يكتشفوا اني كنت بكذب عليهم وينصدموا لانهم وضعوا ثقه كبيره فيا وصعب كتير عليهم يكتشفوا انو كل هالسنين كانو هيك بس فعلاا انا صادقه بمشاعري تجاهم وكتير بهمني وضعهم وبخاف عليهم وبعطيهم عيوني لو حتاجوها ومش مجرد كلام
مكانتهم كبيره بقلبي بس الوضع كلو انبنا على غلط وحاليا انا مش قادره اكشف حقيقتي الهم ولا قادره استمر بالكذب اكتر وكمان مش عارفه انساهم وابعد عنهم ايش اعمل والله ضميري بيتقطع وبنفس الوقت مش عارفه ايش المفروض اتصرف ولايمتى ممكن يستمر هالحال وايش اخريتو ولو عرفو الحقيقه ممكن يتفهموا اني بنت كويسه وما كنت بقصد ولا حضيع ثقتهم بالناس بشكل عام لانه صداقتنا الها سنين :(
بتمنى كل واحد فيكم يحط حالو مكاني ويحس باحساسي قبل ما يفكر يغلط او يستهزء بمشكلتي.. وشكرا سلف لكل الي حيساعدوني بنصيحه