محتارة بخطيبي وصاحبتي

السلام عليكم ورحمة الله
انا عندي مشكلة بدي احكيلكوا اياها ويا ريت تساعدوني
انا عمري 20 سنة وخطيبي عمره 27 سنة انا بحبه كتير وهو كمان بس في عندي مشكلة انه مش قادر يفهم انه انا الي صاحبات وبقدر احكي معهم كل ما يعرف انه حكيت مع صاحباتي على التلفون او شفتهم لازم تصير مشكلة بيناتنا هو بده اياني اترك كل صاحباتي وما احكي على التلفون ولا مع اي شخص غيره هو مع العلم انه ما بحكي غير معه ومع صاحباتي وكتير بضله يحكيلي ازا بتحبيني اتركي صاحباتك وما تحكي معهم ولما احكيله موافقة بس على شرط انه انت كمان تترك صحابك بعصب علي وبصير يحكيلي انا زلمة وانا حر بتصرفاتي هو حجته انه صاحباتي بنات مش كويسات مع العلم انه عمره ما قعد معهم وصحابه شباب مش مناح نهائيا ... اخر مرة رن علي وكنت بحكي مع صاحبتي هاي صاحبتي كتير مقربة الي متل اختي واكتر دائما مع بعض حتى اهلي واهلها بيعرفوا بعض ومنطلع العائلتين رحلات كتير مع بعض اول ما رن انا رديت عليه وكان معصب وصار يصرخ علي وحكالي سكري التلفون من دون ما تعتزري من البنت طبعا انا ما قدرت اسكر الخط بوجها تركت المكالمة معها معلقة لحتى هي سكرت لحالها وبعد ما خلص صراخه علي طلب مني احطه معها مكالمة جماعية انا ما رضييت بالاول لانه اهانة الي ولصاحبتي بس هو اصر علي كتير رنيت عليها وحكيتلها بدي احطها بالمكالمة معنا حكى معها وسلم عليها وبعدين هي راحت وسكرت الخط معنا وبعد ما سكرت حلف انه انا ما احكي معها بحياتي وازا انا حكيت معها هو رح يتركني انا مش عارفة شو بدي اعمل انا بحبه كتير ومرات كانت تصير مشاكل بيناتنا وكنت انا السبب بس هو يسامحني بس برضه هديك صاحبتي وانا بعرفها اكتر من 8سنين وما بقدر ما احكي معها لانه حتى لو فكرت ما احكي معها او اشوفها رح اشوفها لما نطلع العائلتين مع بعض وهو صار حالف انه رح يتركني ازا انا حاكيتها او شفتها ارجوكم انصحوهي شو ممكن اعمل عشان ما اخسر حدا منهم