ارجوكم ساعدوني كذبت عليه وما الي عين احكي معه

السلام عليكم ورحمة الله وبركاته
انا عندي مشكلة عاطفية ومو لاقيتلها حل يا ريت لو تقدروا تساعدوني بس بدون تجريح
قبل 3 سنين كانت اول مرة بقعد فيها على النت وما كنت اعرف فيه شي وانا داخلة اقرا واشوف صور بمنتدى دخلت بالغلط على غرف المحادثة للمنتدى وشفتهم كيف بحكوا حبيت الفكرة وصرت احكي معهم وتعرفت على واحد وبدأ يسالني اسئلة عن اسمي واسم عيلتي ومعلومات كتيرة عني انا بوقتها كنت خايفة كتير لاني جديدة على النت وكنت افكر انه لو حكيت اسمي وعمري الحقيقين رح يقدروا يوصلولي وكنت خايفة من هالفكرة خصوصا اذأ وصلولي واهلي عرفوا لانه اهلي متحفظين كتير .. وبدأت انا اعطيه معلومات غلط عني ولا شي منها صحيحة وبلش تعارفنا يزيد وبعدين هو علمني كيف اعمل ايميل وعملت ايميل وصرنا نحكي عليه وضلينا 6 اشهر وانا كل يوم استناه للساعة 12 بالليل لحتى يرجع من شغله عشان نحكي وبعدين هو طلب مني رقم التلفون بحكم انه ما عندهم نت بالبيت وهو كان يروح على مقهى النت مشان نحكي بالبداية ما تقبلت الفكرة بس بعدين وافقت لانه بلشت احس اني مهتمة فيه وصرنا نحكي على التلفون وكل اليوم اضل استنى الساعة 12 بفارغ الصبر والنا على هالوضع سنة و 9 شهور وانا خافية عليه الحقيقة لانه ما اقدر احكيله ما عندي الجرأة اني اخبره انه انا كذبت عليه بكل معلوماتي كنت خايفة من نظرته الي كيف رح تكون شو رح يحكي عني اذا عرف بالموضوع كنت كل يوم اقعد افكر شو بدي اعمل واحكي لازم اخبره بس لما يجي الوقت اتذكر كيف رح تكون نظرته الي اتراجع وما اخبره .. وقبل اسبوعين طلعت عشان اشوفه طلب مني يشوف الهوية بس انا رفضت لانه اذأ شافها رح يكشفني وضليت مصرة انه ما يشوفها واطلع اعذار انه صورة الهوية مش حلوة ما بدي تشوفها وروحت على البيت وانا مدايقة كتير انه لساتني بكذب عليه بعد كل هالسنين ولما حكينا على التلفون بعد ما رجعت على البيت حكالي لازم اشوفك الاسبوع الجاي وتكون معك الهوية واجى الاسبوع يلي بعده وانا صرت اتهرب انه ما اقدر اطلع وكل ما يحدد يوم انا أاجله عشان خايفة اواجه بالحقيقة مش قادرة افتح معه الموضوع واحكيله انا كذابة ويوم الاربعاء قررت احكيله الحقيقة كلها وانا مش عارفة كيف رح ابلش بس قلت لازم يعرف واتصلت فيه وحكيتله بدي اشوفك بكرة ويوم الخميس رحت شفته وحكيتله كل شي انا كنت متوقعة انه وانا بحكي معه يقوم ويتركني بس هو ضل قاعد وسمعني للاخر وبعدين صار يحكيلي انتي لو حكيتيلي هاد الكلام قبل هيك كان احسن كنا قدرنا نتخطى هاد الشي بس هلا صعب وبعدين خلصنا كلامنا وقمنا كل واحد يروح على بيته . وحكى معي مبارح وصار يسمع في كلام ويجرح في انه انا كذابه وانه يلي بكذب مرة ممكن يكذب عشرة وانه انا عندي هواية الكذب طبعا انا عاذريته بكل هاد الحكي لانه عارفة انه يلي عملته شغله كتير غلط انا كذبت عليه باسمي واسم ابي واسم امي واسماء اخواني كذبت عليه بالمكان يلي كنت ساكنة فيه وكذبت عليه بتاريخ ميلادي وهو شب محترم كتير بحياته ما غلط معي بأي شئ بس انا غلط بحقه كتير يا ريت لو كنت بقدر ارجع الزمن حتى احكيله الحقيقة من الاول .. انا هلا محتارة كتير انا بحبه وما اقدر اعيش من غيره لو يوم بس انا حابة انه يرجعلي ومش حابة حابة لانه انا فعلا بحبه وما عمري كذبت عليه بمشاعري بس انا خايفة انه اذأ رجعلي ما يقدر ينسى كذبي وما يقدر يوثق في من جديد وكل شيؤاحكيه يفكر هو انه انا بكذب عليه وخصوصا انا ما الي عين احكي معه بعد ما عرف الحقيقة هو لححد الآن ما اعطاني جواب انه رح يرجعلي او لا
انا جد محتارة ومش عارفة شو اعمل انا بحبه كتير ونفسي يرجعلي ارجوكم ساعدوني واحكولي كيف ممكن اخليه يرجعلي وينسى كل كذبي