اكبر من زوجي

السلام عليكم
اخوتي واخواني حبيت احكي قصتي قد تعجب البعض وقد يرفضها البعض الاخر
انا امراة متزوجة منذ 17 سنة من رجل اصغر مني ب 7 سنوات لما تزوجنا كان عمري انا 35سنة وهو28 بس انا كنت ابان اصغر بكتير وماكان يخطر ببالي بيوم انو ممكن اتزوج شخص اصغر مني بيوم واحد وكنت اسخر من كل امراة متزوجة من رجل اصغر منها بسنة لا بل اشفق عليها وسبحان الله كيف دارت الايام وحبيت شاب اصغر مني ب7 سنين وهو كمان حبني لدرجة انو ما تركني يوم واحد من يوم ما شافني وحتى انو كان كل ما يحاول واحد يتقربلي كان يروح يهددوا لا وكمان هددني انا ان لم اتزوجه فسيقتلني ويقتل نفسه حبه لي واخلاصه ووفاءه جعلني اقبل بالزواج منه ..الان بقالنا 17 سنة متزوجين وعندنا ثلاث اولاد والى اليوم زوجي يحبني ويغار عليا كانو عمري 20 حتى انو يتوهم احيانا انو صاحب الدكان ينظرلي نظرات ما تعجب وانو جارنا يتعمد الحديث معي وانو وانو ...قصتي غريبة شوي بس اهو هذا اللي صار..حب زوجي الى ما خلاني احس بفارق العمر ابدا لا بل احس اني انا اصغر منه بنفس الوقت فارق العمر لصالحه خلاني اهتم كتير بحالي وما اهمل حالي ابدا ..بحب زوجي كتير واحمد رب العالمين ليل ونهار عليه حسيت انه ربي اكرمني بيه وانه هدية منه ..وعلى فكرة اهله ما يعرفوا انو انا اكبر منه وما يخطر ببالهم ابدا
هذه قصتي انا في مجتمع يعتبر انه المراة يجب ان تكون اصغر من زوجها ب10 سنين والا عرضت للسخرية