آسف يا ريس : مبارك كان يستطيع الهروب بطائرته لدولة عربية لكنه رفض

رام الله - دنيا الوطن
ذكرت صفحة “أنا آسف يا ريس” أن الرئيس اسابق مبارك لو كانت الطيارة اللى قامت بنقلة من القاهرة لشرم الشيخ كانت نقلتة لأى دولة عربية أخرى كان هيحصل اية؟.. كان هيعيش معزز مكرم هو وأسرته وكان هيلاقى الرعاية العلاجية الكاملة وكان هيقدر يكمل حياته هو وأسرته وينجد بنفسه زى ما غيروا عمل. لكن كل ده وكل كنوز الدنيا دى متساويش عند الرجل والقائد والمحارب حسنى مبارك متساويش أنه يتكتب فى تاريخه أنه هارب مرضيش يتقال عليه أن حسنى مبارك اللى واجه الموت أكتر من مرة فى جميع حروب مصر بخسائرها وبفوزها أنه هرب من شعبة لما شعبة انتفض ضده.

حسنى مبارك وافق يتحبس هو وأولاده وكان يقدر يخرج بصفقات مشبوهة زى ما غيروا عمل ومحدش يقرب منه لكن رفض أنه يساوم على الدماء اللي سالت ووافق على الحكم بالمؤبد على حاجة هو معملهاش وافق يتحبس فى سجن طره لمجرد تحقيق رغبات أبناء وطنه وافق يصارع المرض بين جدران مستشفى غير مجهزة ورغم ذلك عمرنا ما سمعناه بيتكلم على حد أو بيتهم حد أو بيهين حد.

كنا نعتقد أن موقف الرئيس مبارك التاريخي يقابل بنوع من الاحترام والاهتمام وأنه على الأقل ينقل لمستشفى عسكري كرجل أفنى فى العسكرية والزى العسكري أكثر من 62 سنة مطلبش ولا طلبنا أكتر من كده ..لكن اكتشفنا أننا في وطن أرخص ما فيه دم اللي حميه وأغلى ما فيه دم اللي بيقسم ويدمر فيه.

كان يقدر يعيش فى الخارج “رئيس” لكن اختار يعيش في وطنه “سجين”..مواقف لا يقدرها ولا يعلمها إلا الرجال فقط..الرئيس مبارك رجل في زمن أصبحت فيه الرجولة كلمة في بطاقة تحقيق الشخصية فقط..!!