الفتي انتباه زوجك... خدع جميلة

اولا: بين الحين والاخر ابكي امامه ، حسسيه ببكاءك الحنون والمسكين انك مظلومة واتكلمي وانتي تبكي ودافعي عن نفسك ده بيخليه يرق ويحس انو ظالمك ويحاول يرضيكي
ثانيا: ارتدي كل ماهو مثير خصوصا بالليل ، ويا سلام لو تلبسي بس فوطة وتقوليلو تعاله صلحلي حنفيه الدش مش عاوزة تفتح( حتى لو اضطررتي لإغلاقها بإحكام اوكسرها حتى تثبتي الكدبة) اعملي نفسك مش قادره تفتحيها، استعملي الطريقة دي لما تكونوا متزاعلين، حيراضيكي جوا الحمام ولو مراضاكيش فأكيد فيه عيب.
كذلك: البسي فستان سهل يتقطع "هش" خالص واعملي خناقه واتحركي قدامو ..اول ما ييجي يمسكك يتقطع الفستان ...بعدها اتفجعي وقوليلوا" انت اتجننت ؟؟ مش كده..انت بتخوفني...(مثلي انو كان بيفكر يغتصبك)
ثالثا: اعمليلوا اي شي مبيتوقعوش ... حيحس انك طبيعية ومجنونه ومرحه .. حيحاول يمسك فيكي لأنوا حيحسك غامضة وعجيبة يحاول يفهمك فيهتم بيكي...... وكده بجد ممكن يحبك اكتر
رابعا: اغضبي يا اختي او اعملي نفسك زعلانه..(طبعا بدلع) اول ما يسألك مالك اتغنجي وادلعي وقوليلو ( انت مش بتهتم بيا ناسيني بعدت عني دنت حتى مش بتحضني زي زمان اول ما تدخل ( حتى لو هو مكنش زمان بيعملها مثلي بس حتدخليها لدماغو وحيفكر يعملها بعد كده)
خامسا: احلى حاجه لما تطبخو حاجه سهله مع بعض وخصوصا هو بيكون بيعرف ازاي يعملها زي البيتزا...(حتى لو كنتي تعرفي تعمليها احسن منو ..متتذاكيش عليه، خليلوا الفرصة يخش معاكي الموضوع وخليه هو الشاف 1 واتني بس اسألي ساعديه دوقي معاه ودوقيه الحاجه من على شفايفك) ... حتمضوا وقت جميل جدا
سادسا: لما تخرجوا سوا... اوعي تنزلي راسك او تمشي وراه او تكوني مجرد تابعة حسسيه انو مخرجك عشان يهتم بيكي ويدلعك ويفسحك زي الأميرة مش زي معزة رابطها بحبل ساكته مخرجها وراه يسرح بيها تاكل عشب
- مرة على مرة لما تكونوا في العربية اطلبي منو حاجات كأنك صاحبوا(طبعا مش اوي اوي مش سيجارة) مثلا يعلمك او يديكي تسوقي، انتي سوقي بهداوة مش بالسرعة عشان ميخفش من تهورك ويديكي شتيمة خليه يسترخي ويضحك شوية منك.
سابعا: قوليلوا مرة على مرة يصورك ويوريكي ازاي تعدلي وقفتك او تتصوروا سوا في البيت او المطعم كده حيحس انو عندوا حاجه ثمينة يهتم بيها (لكن مش صورة خليعة لان ممكن تلاقي نفسك على النت لو اتسرق الموبايل) ربنا يستر علينا...
ثامنا : وما ادراك ما ثامنا في السرير وريلوا مرة على مرة العين الحمرا... كوني عنيفه معاه في العلاقه ، ومرة اتقلي وامتنعي ، ومرة قوليلوا لما يطلب منك (...) قوليلوا دلعني وغنشني الاول...او اعملي مساج لكده او كده... يعني بالمختصر شد وارخي اديلوا جرعة زائدة يهيج منها وبعدها حرمي شوية وبعدها انتي اللي تطلبي... كده حيكون خدام ليكي .. و كمان يكون ليكي رأي، لأنو قبل كل شيء من حقك ابداء الرأي ...
تاسعا: كوني رحيمة مع اهلوا كده حيعزك واعملي الحاجه دي لله عز وجل مش مراءات ، كوني ودودة وناضجة وطبيعية وليكي شخصيتك.
لأنو في لحظة كلمة وحدة ممكن تنهي كل العلاقة دي وتخرجي من كل العالم ده ، فإوعي تتخلي عن شخصيتك وفكري في مصلحتك ومتكونيش شمعة تحترق عشان تضيء للتانيين، كوني لمبة تضيئ وتحيا لها وللآخرين
تعاملي مع ربنا في كل حركة... وكده في اعتقادي كده الطريقة الصحيحة للحياة الزوجية السعيدة
تحياتي-- انا هنا