غرفة المنشات السياحية بالغردقة ترسل تهديدات لنشطاء 6 ابريل الديمقراطية

القاهرة - دنيا الوطن - زيدان القنائى
قال  الناشط مصطفى فتيحى طبعا كتير عارف إنى شغال فى السياحة الى جانب ده متطوع فى حركة 6 ابريل واللى كنت أنا وشباب الحركة متضامنين مع مجموعة (لا للعمالة الأجنبية الغير شرعية ) اتصل بى موظف فى غرفة المنشآت السياحية فى الغردقة وقالى بالحرف ( خليكم بعيد عن الناس دى أحسنلكم ) دول بتوع مصلحة شخصية ! ومش عاوزين الخير للبلد ..فكرنى ببتوع كنتاكى و حملة البونبونى ..ماعلينا ..المهم سألنى فى
الأول إيه دخل غرفة السياحة بموضوع العمالة الأجنبية !؟ونسى إنى الغرفة دى قامت فى الأساس لجماية مصالح أصحاب شركات السياحة وهى اللى مفروض بتطلع تصاريح للعمالة الأجنبية وحتى المرشدين السياحيين متضررين منهم وفى النهاية شايف إننا كلنا مجموعة بلطجية عشان على حد قوله إنى المعتصمين دول لو مؤاخذة بيكدبوا !!

اكد الناشط مصطفى فتيحى طيب ع العموم كيان 6 أبريل فى البحر الأحمر بيتضامن مع جميع العمال المتضررين فى كافة قطاعات الدولة الحكومية والخاصة طبقا لمدى أحقيتهم أم لا
وبتساعد فى رفع الظلم ومقاومة الفساد يعنى إستحالة هنتضامن مع أى حد إلا لما نتأكد من كل ذلك وخصوصا بالنسبة لموضوع العمالة الأجنبية فى قانون للعمل رقم 12 لسنة 2003. ولم يتم تفعيله حتى الآن بعيد عن كل ده إن كان لايرضى سيادتهم هل الأحزاب المدنية التى شعارها العدالة الإجتماعية كحزب الدستور ولجنة الحريات فى نقابة المحامين ونقابة مرافقى المجموعات السياحية التى تضامنت معهم بلطجية فى وجهة نظرهم أيضا

واضاف فتيحى على فكرة كمان قبل كل ده أنا متضامن مع مجموعة مناهضى العمالة الأجنبية لدافع إنسانى خالص لأنى شايف أجانب بيشتغلوا معانا فى السياحة ياريت حتى مرشدين كمان مصورين يعنى لو جبنا كل الشباب اللى على القهاوى هيشتغل الشغلانة دى!! لكن نقول إيه لولاد الحرام اللى فاكرين البلد عزبة أبوهم

خلاصة الكلام غرفة السياحة دى لازم تتحل بدءا من حسام الشاعر رئيس مجلس ادارة الغرفة وصديق جمال مبارك الوفى ويتم تقنين اوضاع السياحيين وتطهير منظومة السياحة بكفاءات وتخصصات للعمل على راحة العامل المصرى قبل السائح الأجنبى بعيدا عن رجال الأعمال كما تفعل جميع الدول الناجحة سياحيا فلا للعمالة الأجنبية الغير شرعية فى بلادنا المصرى أحق وبحق كل قطرة دم شاب سالت على أرض مصر من أجل تحقيق الكرامة والعدالة الأجتماعية ولو على حساب راحتنا