صدمة من الحبيب

السلام عليكم ورحمة الله وبركاته
انا سيدة متزوجة من سنتين وعمري 27 سنة وعندي طفل ولله الحمد
ومخلصة لزوجي بالواقع وبخيالاتي بسبب خوفي من رب العالمين اولا وحبي لزوجي كتير تانيا صحيح انونحنا ما تزوجناعن حب لكن بفترة الخطبة حبينا بعض واناتعلقت فيو كتير
واللي كاسرلي قلبي انو هو ما بحبني وعلى طول بيتفرج على بنات غيري حتى لو انا قاعدة معاه بيتفرج عالبنات اللي بلشارع وعلى النت وبأي مكان انا حاسة حالي تافهة وما إلي قيمة ولا إلي احترام وخصوصي لما اكون جايبتلو هدية واروح لعندو اعملو مفاجأة فبلاقي حالي إنو انا اللي تفاجئت باللي عم يتفرج عليه زوجي عالنت حتى إني صرت افكر انو مافي داعي اكون على طول جميلة ومزبطة حالي لانوانامو معبية عينو وما بعرف يمكن هالشعور خلاني أحس انو اغلب الرجال هيك مع احترامي لجميع الرجال وأكتر شي جارحني إني بحبو واكتر من مرة حاولت أبينلو اني منتبهة لهالشي اللي عم يعملو يعني خيانتو إلي لكن هو على طول بيتهرب ما كنت بعرف انو الصدمة أصعب من الحب