الفتاه الغير محجبه

انا البنت الي نشرت موضوع الفتاه الغير محجبه...
مسا الخير...انا مو محجبه واكيد كلكم عرفتوا هاد الشي..بس حابه احكي كلمتين للشباب الي حكوا انو ما بنقرب على اي بنت مو محجبه وما بنتزوجها وللي جرحوا بالحكي كتير وحكوا عنها غير شريفه وما عندها لا اخلاق ولا دين...ممكن اعرف ليش؟ولاكـأنكم شايفين لبس البنات المحجبات الي بنشوفوهم كل يوم بالشوارع للأسف اظن الكل عنا صار يعرف انو معظم البنات الي عنا محجبات بس معظمهم مو ملتزمات...لأنه هم لبسوا الحجاب لأنه عاده اجتماعيه يعني عاده مو عباده!!!بس هدول الي لابسين حجاب الموضه او حجاب العصر اكيد برأيكم هم ملتزمات دينيا واخلاقيا لأنهم مغطيات شعرهم!!بس حابه احكي انو انا بصلي وبصوم وبقرأ القرأن والحمدلله...هلأ اكيد رح تحكولي وتسألوني كيف بتصلي وبتصومي وبتٌقرأي وانتي مو ملتزمه بالحجاب..ورح تحكولي انو فرض متلو متل الصلاه والصيام وغيرو وغيرو...رح جاوبكم لأنو انا انسانه...بني أدمه...من البشر يعني...متلي متلكم عندي سيئاتي وعندي حسناتي.دخيلكم فهموني ليش بتخلطوا الامور ببعض؟؟الي بنت خال ملتزمه كتير ومنقبه حكتلي الصلاه لا تقبل من غير محجبه!!!على اي اساس حكمتي؟؟يعني ما اظن حدا فيكم و فينا كامل وما حدا فينا نبي واولهم الي علقوا تعليقات جارحه كتيييييير وحكوا غير شريفات طيب شو ضل اكبر من هيك كلمه!!بتحطوا بأعراض الناس ليييييش؟؟(زانيه من بني اسرائيل دخلت الجنه لسقيها كلب عطش...ومسلمه دخلت النار لحبسها هره...لسنا ألهه لتقييم البشر)بس للأسف الناس عامله حالها الهه واولها بعض المعلقين الي بحكموا على الوحده من مظهرها الخارجي.
بس بدي احكي اخر شي بعرف اني طولت عليكم بس حابه كتير اناقش بهاد الموضوع وليش الناس بشوفوا عيوب غيرهم وبنسوا حالهم...انو في جارنا متزوج وعندوا بنت وولد صغار طبعا طلق مرته لأنها خاااااانته وللأسف بتلبس حجاب وجلباب وتزوج تاني مره وبرضوا طلق التانيه لأسباب ما حدا بعرفها ولأسف التانيه ملتزمه بالحجاب والجلبااب!!هاي قصه ما جبتها من عندي ما احترامي لكل بنت محجبه وملتزمه انا بالنهايه مسلمه والله يهديني متل ما هدا غيري هاد الشي طبعا بأيد الله..بتمنى من الجميع يعلق وخصوصا الي جرحوا بالحكي كتير يعطوني تعليقهم عهاد الموضوع...