معروف : طلعت راجل يا شفيق .. والمجلس العسكرى لازم يرمى "البلوة" اللى شايلها

تابعنا أيضا عبر انستجرام instagram/alwatanvoice

غزة - دنيا الوطن
أبدى الصحفى محمود معروف اعجابه بموقف احمد شفيق المرشح الرئاسى السابق لرئاسة الجمهورية بعد أن هنأ الدكتور محمد مرسى بفووزه بمنصب رئاسة الجمهورية قائلا طلعت راجل يا شفيق بعد ان هنأت مرسى بالكرسى .

وقال معروف فى مقاله بدون مجاملة :

الدكتور محمد مرسي : 
- بمجموع 51% دخلت قصر الرئاسة ولو جبت 81% تدخل قصر باكنجهام ولو جبت 91% تدخل البيت الأبيض!! 
أحمد شفيق : 
- هنأت مرسي بالكرسي .. طلعت "راااجل يا شفيق"!! 
المجلس العسكري : 
- تمام يا أفندم .. أديتم المهمة بنجاح .. آن الأوان أن "ترموا البلوة اللي شايلينها" وترتاحوا!! 
توفيق عكاشة : 
-  لم هدومك .. واكتب وصيتك!! 
حياة الدرديري : 
- قدامك سكة سفر وعقد من إذاعة كامب شيزار!!

اللجنة العليا للانتخابات : 
-  التزوير ممنوع .. والزعل مرفوع والأمر علي الله!!

أحمد بدير :

- لازم تبقي وزير .. كل ليلة قعدت تقول "مرسي عايز كرسي .. مرسي عايز كرسي" نشنت يا فالح؟!

المنتخب الوطني : 
- بعد غد يتحدد مصيركم في بطولة "جنوب افريقيا" علي ضوء مباراة "وسط افريقيا"!!

برادلي : 
- نادي صفط اللبن عايز مدرب!!

الدكتور كمال الجنزوري : 
- صدقني رئاسة النادي الأهلي أهم 1000 مرة من رئاسة الوزارة!!

شهر رمضان :

- نصف ممثلات رمضان لا يتم اختيارهن بالكفاءة وانما وفقاً "لتفاهم" الممثلة مع المخرج .. وأحياناً المنتج!!