المرأة عهدة حكومية

الي بقصده ان احنا تقريبا بيعاملنا المجتمع كعهدة تسلم من يد ليد دون أي فترات فراغ ,,منذ الولادة بنكون بعهدة الوالد ,,يرسم ويخطط مستقبلنا علي راحته ,,ويمكن لما بنكبر شوي بيحب الآباء يريحوا حالهم فينقلوا هالعهدة للأخ الأكبر , الي بيبذل جهده في تحسين وتقويم هالعهدة علي الي بيرتأيه تينال احترام أبوه وأهله ومجتمعه,,ولما يحين الوقت بينقل هالعهدة لشي طرف مثل الزوج , الي بدوره بيتفنن في أساليب السيطرة وفرض شخصيته وقوانينه عليها ,, بتعتقدوا ان الموضوع انتهي لهون ,لأ, أحيانا بيحصل انها تتطلق او يموت الزوج ,وهالمرة بيتسلم عهدتها المجتمع كله ,,الكل بيحاول يرسملها طريقا والكل بيدخل ويقوم ويعدل في حياتها علي كيفه الخاص ,,,,يمكن البعض يقول ... ليش لأ من نظرة شرعية المرأة لازم يكون حد وكيلها ومهتم بشئونها ,,أنا ما بتعارض مع أي شي بيحكيه الشرع والدين ,,وعلي العكس بطالب بوجود هالقبضة هاي بس ما بأيد انها تكون قبضة فولاذية بمعني ان كونك مرأة يعني ما إلك حرية تحكي شي أو تتصرفي بشي قبل ما ترجعي لجهة عليا للموافقة بمعني ما بنحب نتعامل كعهدة جمادية ينقلوها ويسيروها الي حواليها زي ما بدهم دون الرجوع لرأيها في شو بتحب تعمل او كيف تكون افكارها خياراتها للحياة الي بترغب تعيشها ..
بحب اسمع آراءكم...ياتري انتم معي بكل الي انحكي؟؟؟!!!!
رجائي ,,اكتبوا بصراحة تحسدكم عليها الأمم من غير نفاق لنفسكم قبل الغير..
شكرا لدنيا الوطن وساكنيه
ّ زحــلاوية (1)