كيف بدي أبعد هالبنت عني

السلام عليكم ورحمة الله وبركاته
انا بنت عمري 17 سنة بصف أول ثانوي
انا بعاني من بنت ملزقة فيي ( بكل معنى الكلمة ! ) وبصراحة هي البنت مريضة نفسيا لدرجة رهيــبة !
هلأ كيف بلشت القصة ؟
لما كنت بصف تاسع كانت تحاول تقرب مني انا وصاحبتي ، بس ما قدرت ، وهي كانت ملتهية مع بنت تضل تمشي معها .... المهم لما جينا ننتقل من المدرسة ، صارت بدها تنتقل معنا ، وعلى صفنا ، وتقعد جمبنا ، وكانت تحكيلنا : اه انا ليش جاية على هاي المدرسة الا مشانكو ؟ فدخلنا صف عاشر وبلشت تفرض نفسها علينا شوي شوي ، وتضل معنا بالفرصة ، وازا عاملين عزومة حفلة اشي لاااازم هي تكون موجودة ، وبصراحة احنا مش طايئينها ، وحيات ربي عقلها عقل بنت 7 سنين ! فش كلمة كويسة بتطلع من تمها ، خجولة جدا، تافهة ، يعني هي البنت زي مبقولوها (هبلة ) ! فش الها لا رأي ولا شخصية ، كلشي زينا انا وصاحبتي شو ما نعمل ، بناخد رأيها ، آل خلص زيكو ، بنروح نشتري حاجات وعصير ، ال خلص زينا بتشتري ، وغير هيك عندها غيرة قاتلة ! كانت تاكل حالها اكل من الغيرة لما تشوفني انا صاحبتي بنحكي مع بعض او قاعدين جمب بعض ، وال شو كنتو تحكو يلا احكولي ، اكيد عليي ومبعرف شو ، والله قرفتنا هالبنت يا عالم ! ولا غير هيك مجننتنا عالنت وعالفيس كمان لاحقتنا
لما دخلنا صف اول ثانوي كان لازم نفترق ( ويا الله شو كنت مبسوطة انا من هالشغلة ) هلأ انا وصاحبتي دخلنا على مدرسة للعلمي وهي راحت ادبي
وكانت طول الوقت بتاكل حالها من الغيرة ، ال تنبسط لما احكيلها اني مش فاضية اشوف صاحبتي او نحكي مع بعض من ضغط الدراسة ، وتخيلو المصيبة Oo
كانت هي تروح قبلنا بحصة يعني حوالي اربعين دقيقة _ هي مدرستها قربية عمدرستنا _ وال بدل ما تروّح على دارها ، تجي تستنانا 40 دقيقة تحت الشمس ! ال عشان تروّح معنا ! واحنا منكونش طايئينها دخيل الله لاحقتنا لهووون
حتى لما طلعنا رحلة اتصلت يمكن 5 او 6 مرات عشان تعرف شو بنعمل وكانت مقهووووورة ، حتى هي ال ما راحت عالرحلة الي عملوها مدرستهم لانو احنا مش معها
الأمور زادت عن حدها كتير كيف انا بدي ابعدها عني ؟؟؟ خاصة انو انا بدي أحول أدبي وبدي اروح على مدرستها ، والله هاملة همها هالبنت ! والله لو في كلمة كويسة بتحكيها بنقول اه ،، بس البنت لا امل منها ، حاولت اغيرها ، بس لا حياة لمن تنادي
احكولي طريقة ابعدها عني من غير ما اجرحها :((
وشكرا كتير الكو يمكن طولت عليكو