موضــوع للنــقاش

السلام عليكم ورحمة الله وبركاته
سؤال محير وموضوع شغل الكل من الفئتين فالتفكير فيه ومحد لقى له اجابة
سؤالي للشباب... ليش لما الواحد فيكم يتعرف على بنت ويستمر معها فعلاقة حب سنوات طويلة ما ابي اقوله سنة عشان اكون واقعية سنة او سنتين فالزمن ذا مو كفاية

بس الغريب انه يمر عليهم عمر مع بعض ويعشمها بالزواج وانا احبك وابيك وانتي عمري وحياتي وكل شي وانا بدونك ما اقدر اعيش واصبري علي كم شهر بس اضبط اموري والا الكلم الاهل

وتختلف الااعذار من شخص لشخص كلن حسب نيته وقدراته العاطفية وامكانياته فاالتصريف

وتمر الايام والشهور والسنين وكل مالها البنت تتعلق فيه اكثر وكل ماتقدم لها خاطب دقت عليه وقالت له قال ارفضي

وترفض 1 و2 و3 و10 وفالنهاية
اما يقولها كلمت اهلي ورفضوك عشان قتلهم اكلمها وابوي طردني وامي خطبتلي بنت عمي والا بنت خالتي
والا يسحب نفسه بسكات ولاحس ولاخبر ويتزوج ويعيش حياته ولا كأنه ترك وراه قلب مجروح محروق وانسانة تنتظره

واذا طلع ابن ناس مررة يعني .. قال انا ما اتزوج وحده كلمتني و راعية علاقات وش ضمني ماتكلم غيري كيف أأمنها على بيتي وعيالي ؟

واذا كانت طالعه معه بزيادة طيب انا معك البنت اذا طلعت مع الولد تطيح من عينه صح ويفكر انها بايعتها بس مو كل البنات خربانات وراعيات علاقات وشباب وطلعات

في بنات يحبون من قلب واذا حبت شخص تعطيه بدون مقابل تسوي اي شي عشان ترضيه وتشوفه مبسوط وبعضهم حتى تضحي بكرامتها بس يرضا وينبسط

الله سبحانه خلق وفرق والناس مو مثل بعض فيهم الطيب وفيهم البطال فيهم الخاين وفيهم المخلص

فيهم الفاسد وفيهم الصالح

الحين السؤال اللي محيرني .... ليــه انتم يالشباب عندكم الحب شي والزواج شي ثاني ؟

ليه الواحد فيكم يحب بدل البنت عشرة بس لما يجي يتزوج مايفكر بوحده فيهم حتى لو انها مولعة له اصابعها شمع و واثق فيها ؟

لا تعارضوني فهالسؤال لانه واقع وانا ماجبت من راسي

انا اعرف وحده حبيبها قالها بالعربي ..احبك واعشقك واسويلك اللي تبين بس زواج لا .....