قصيدة (بعيد الشر)

القاهرة - دنيا الوطن



مهداه لمن يحاول النيل من سمعة مصر
بالزج ببعض الشخصيات التى لا تصلح أن تحكم مصر

نايم صاحي معنتش عارف
قلبي إتاخد منى وخايف
مش معقوله دى أبداً لأه
صومتى وصومنا ونفطر دُقه
على بلطجي
حشاش
وبسابقه
عيشتي يا مصر وياما هنصادف

بعد الثورة وبعد الصبر
بعد خلاص ما رسينا في بر
بعد ده كله ...
بعيد الشر
دانتى عظيمة وعَزمْك عاصف

مش هتهونى ومش هنطاطى
مش هنحطك أبداً واطى
مادمنا ودمتى راعينا العاطى
نجمك فوق والعالم شايف

أم الدنيا ومهما تدور
مجد ومهد وفجر ونور
حضارة منارة سنين وعصور
قادره تشقى ظلام إن صادق



شعر / شفيق السعيد