كيف تعرف أنك لا تصلح أن تكون زوجا ؟

عندما تشترظ وأنت تبحث عن شريكة حياتك أن تكون ذات مواصفات خيالية يعني خالية من الشوائب والعيوب .. ومش مشكلة لو ان حضرتك يعني ممكن تكون لا مال ولا جمال ومش مشكلة لو طايش شوي بكرة الزواج يعقلك ولو مش متدين معليش انشاء الله ربنا يهديك بعد الزواج والمسؤوليات ..

لما كرشك بعد السنة الاولى من الزواج وبفضل اهتمام المدام وطبخ المدام يصير مترين قدامك وتتجرأ تعيب عليها زيادة وزنها بالذات لو حملت وولدت

لما تعايرها بكثرة الشكوى من شغل البيت والاولاد وكيف انها مش سوبر وومان وتذكرها بزمن ستك وستها وكيف كانوا نسوان زمان وتنسى تمد ايدك وتساعدها وكيف كانت الرجولة زمان

لما تمد بوزك طول اليوم وتنفخ في الطالعة والنازلة وتكون مشغول بالجريدة أو التلفزيون أو النت ولو حاولت زوجتك تفتح معاك موضوع للنقاش تتهمها بالنكد وعدم اختيار الوقت المناسب للكلام وطبعا هذا الوقت عند الرجل المتزوج لا يأتي أبدا ابدا أبدا

لما تقارنها بأمك وأختك وستك وبنت الجيران وأختها وبنت عمك وعمها وبنت خالك وخالها وزي زوجة صاحبك فلان وخطيبة قريبك علتكان وبالممثلة الفلانية وزميلتك في الشغل والست اللي مرت قدامك في الشارع بالصدفة و.. و.. والخ في حين يا ويلها ويا سواد ليلها لو بالغلط أوببراءة قالت لك شفت زوج فلانة شو ساوى لمرته ؟؟؟؟

اذا أهنتها وحطيت من كرامتها ويا سلام لو كان قدام حدا من عيلتك أو أصحابك عشان يقولوا عنك حمش وشاكمها

اذا فضلت عليها الأصحاب ولمات أيام العزوبية

اذا ما قلتها يعطيكي العافية على تعبها وتسلم ايديكي على طبخها وواسيتها وساعدتها وحنيت عليها

اذا ما عرفت انك لما تسعدها أكيد أكيد حتكون بتسعد نفسك أولا وأخيرا

أم عمر ......