انا و الخطبة

من الاخر,من 5 سنين بحب شب وهو بحبني,وبعت اهلو بس ظروفو المادية كتير صعبة,فلا اهلو اصرو,ولا اهلي قبلو
بحبو كتير,وبحتاجو,بس صار الوقت الي لازم نرتبط شو ما كان,بس طبعا ما بينفع لانو الزواج يعني مصاري
ما عم بنشوف بعض,كنا نلتقي بالجامعه وهلء تخرجت
وكنت عكس كل البنات ادعي يا رب ما يجيني خطاب,والحمد لله وابصر ليش بنفس الوقت,ما بيجيني خطاب الا نادرا,على الرغم من انو الكل بسالني كيف وحدة متلي لهلء ما خطبت
طبعا العشاق والمعجبين كتار,بس بصهم اول باول,والي من طرف وحدة بلتقيها صدفه او بعرفها وبتحكيلي مباشرة بحكيلها ما بدي
بسسس
هلء طالبني واحد عن طريق اهلي,ومش عارفه كيف بدي ارفض,اكيد لازم يكون عندي سبب,بس الشب ما في عيبة,وانا عمري صار 23,وقاعدة بالبيت لا شغلة ولا عملة
وعندي خوات صبايا اصغر مني حرام اضل قاطعة بنصيبهم
وكمان خايفة بكره افتح عيوني ما الاقي حالي الا عنست وزواجي من الي بحبو ما يتم واقضي عمري وحيدة
بس
انا بحبو,وهو صادق معي,وهو من قبل ما نتعلق ببعض حكالي يا بنت الناي ظرفي صعب وابعدي عني بس انا الي اصريت,وهو هلء بيشتغل بقلب ورب مشاني,بيتعب ليل نهار بفكر كيف بدو يحسن وضعو و ما بقصر ابدا
انا مرة لتمشكلنا وتركنا بعض فترة,طلبني واحد,وقلت موافقه,كان ابن عمي,حكالي مبروك,سكرت الخط معو,وانجنيت بكا,ما لقيت حالي الا بتصل عليه,ما في دقيقتين الا انا متصله عابن عمي وحاكيتلو خل غيرت رايي
ومرة طلبني واحد,وكان الموضوع شبه راح يتم,بكيت اتصلت فيه(كنا تاركين)قلتلو بدي اياك ما بدي حد غيرك
خايفة ارتبط بواحد,واظلمو,خايفه اصير بنت خاينة,خايفه كمان على حبيبي اكسرو,هو الي متحدي الدنيا مشاني,خايفه على حالي وعلى خواتي انعنس وانا بستنا