يريد أن يطلّق خطيبته ليتزوجني .. ساعدوني رجاءً !

غزة - دنيا الوطن
انا فتاة كنت انا وابن جيرانا نحب بعض 7 سنين واجا تقدملي وطلب ايدي وأهلي رفضوه بشكل قاااطع بدون سبب مقنع وهو انصدم كتير من ردة فعل اهلي وكانت ردة فعلوا قوية جدا راح خطب مباشرة بنت عمو جنب بيتنا حتى يجاكرنا وبعد اسبوع من خطبتوا رجع يترجاني ارجعلوا لأنو رح يطلق بنت عمو لانو اكتشف انو أخلاقياتها كانت سيئة جدا جدا بالبداية انا رفضت حتى ما أخرب بيوت الناس بس هو اقنعني انو سواء انا معاه أو لأ رح يطلقها يعني مو بسببي بسبب سوء اخلاقها....رجعنا لبعض هو ما بيزور خطيبتوا وما بيحاكيها نهائيا حتى تتنازل وتطلب الطلاق والبنت ما بدها تطلب الطلاق وهو من الناحية المادية ما معاه يطلق بدون رضاها ويدفع مستحقات الطلاق ....الشب مسكين محتار ومو عارف ايش يعمل....انا بتقدملي ناس وبرفضهم لاني بدي استناه .....صار الو مدة خاطب وما قادر يصارح عمو انها بنتو أخلاقها سيئة وبدو يطلق ومو عارف كيف ....ا نا خايفة اتركوا وأظلم حالي وأظلم شريك حياتي وخايف اضل معو ويجبروه يتزوجها لأنها بنت عمو وهو الشب يئسان كتير وصاير عصبي كتير وحسيتوا بلش يستسلم للأمر الواقع....وبس يسمع انو حدا طلبني بينجن وبيصير يبكي ويحكيلي ممنوع تتزوجي غيري لاني رح أنجن وأكره حياتي وأكره بنت عمي لأنو هي السبب بكل شي....انا بحيرة شو اعمل ساعدوني بطلت اعرف اتفاهم معاه هو اعصابوا تعبانة وانا بلشت انهار بشكل مو طبيعي ببكي طول الليل وما بآكل ونفسيتي كتير تعبانة صرت بس احاول اناقشو بالطلاق يسكر التلفون لانو ما بيعرف شو يعمل المشكلة انو دار عمو ....والشب مو جريئ كفاية....انا تعبانة كتير ارجوكم ساعدوني بحل منطقي