انا خلاص مرارتى اتفقعت ومعنتش هسكت حتى لو هطلق فعلا

السلام عليكم
اولا كل سنة وانتم طيبين
ثانيا عاوزة أسألكم عن الحوار اللى حصل دا
انا حصلى اجهاض للمرة التانية بسبب انى عصبية واللى حوليا كمان خلونى مجنونة
حمايا وحماتى نازلين فيا تعتيت وذل عشان اجهضت
وحماتى عاوزة تجوز جوزى
مع اننا متجوزين بعد قصة حب 9 سنين
وانا متجوزة من سنة بس
المهم حمايا وانا هناك لقيته بيقول لوحدة غلبانة جية توصيه على لحمة العيد
(هو متعود يدبح كل سنة)
قام زعق وقال لالالا انا معنتش هدبح خلاص
الا لما فلان(ابنه) يجيبلى عيل
وبعد كدا اعد يقولى وانا وهو وبنته بس اللى اعدين
اعد يقولى
هاتيلنا اى حاجة يا شيخة
هاتيلنا حتى كلب
لا انا فعلا عاوز كلب
رحت قايلاله لا ان شاء الله ربنا هيرزقنى ببنى ادم مش كلب
قالى لا انا عاوز كلب
قولته مش هعرف اجيب كلب ان شاء الله اجيب انسان
قالى لا كلب
قولتله انا اسفة يا عمو لو كنت متجوزة كلب وابوه كلب ابقى اخلفلكوا كلب
بصراحة هو استفزنى جامد وانا حسيت ضغطى على اوى وانا اعدة
وكنت لسه يادوب مجهضة قبلها ب اربع ايام ونفسيتى ذفت
وممكن كان يجرالى حاجة لو مكنتش رديت عليه
المهم حمايا قام شوية وراح نده لابنه وجابه قدامى
وقاله مراتك بتقولى يا كلب يا ابن الكلب
قولتله محصلش
جوزى قاله ايه اللى بتقوله دا
وسألنى انتى قولتيله كدا
قولتله لا وحكيتله ع الحوار
قالى طب قومى البسى وقبل ما ننزل لقيت حمايا بيقوله
لو مطلقتهاش واتجوزت وحدة تانية فى ظرف شهر
تاخدها ومتورنيش خلقتك تانى
ولا شقة ولا عربية
لان مراتك اللى انت اخترتها اهلها معرفوش يربوها
مردتش برضو
قال لانهم اصلا ناس مش محترمين
مرضتش برضو
سكت شوية وقالى قبل ما انزل انتى خلاص اتكتب عليكى الخراب
وقام مزعق جامد وقالى انتى فاهمة اتكتب عليكى الخراب
فاهمة
قولتله اه فاهمة اكتب اللى انت عاوز تكتبه المهم مين اللى هيقرأ
وكملت لبسى ونزلت مع جوزى وهو ساكت خالص ولا رد عليا ولا رد عليه وروحنا واتعشينا ومتكلمناش خالص من ساعتها
اتصل انهاردة وهو فى الشغل يطمن عليا عادى زى كل يوم
بس كلامه واقف اوى وانا زعلانة اوى انى اتشتمت قدامه وهو مردش
بس برضو بعامله عادى
مش عارفة افتح معاه الموضوع ولا اسيبه واتجاهل