وائل غنيم: أغلب الشعوب مش بتحب التغيير وفترة الثورات هي فترة بتحصل فيها تقلبات كتيرة

غزة - دنيا الوطن
وائل غنيم عبر صفحته علي فيس بوك
رسالة لكل مصري حريص على الثورة وتحقيقها لأهدافها: طبيعي جدا إنك تلاقي الناس خايفة وقلقانة من اللي بيحصل ولكن في نفس الوقت كتير منهم مع النقاش والحوار المقنع بيغير وجهة نظره في طريقة قراءته للأحداث .. وحتى لو مغيّرش وجهة نظره هو في النهاية مصري زيه زيك .. أغلب الشعوب مش بتحب التغيير وفترة الثورات هي فترة بتحصل فيها تقلبات كتيرة في المناخ السياسي والناس مش بتحب التقلبات دي خاصة لو كان ليها تأثير مباشر عليها زي الشعور بالأمن أو الخسائر الاقتصادية ولكن ده مش بيقلل من وطنيتهم وحبهم لبلدهم .. الثورة هي دعوة للتغيير والآن الثورة تحتاج إلى سفراء ودعاة لضمان تحقيق أهدافها