دلونى شو اعمل انا

انا يا اخوتى تعبت كتير ومافي حدا سوا ربنا اشكيله همي انا متزوجه من 11 سنه طبعا الوحده اول ما تتزوج تخبص في الاكل لاني ما كنت اطبخ عند اهلي كنت اعمل الطبيخ شي مالح كتير وشي من ملح وعلى راي ستي شو ما طبخت العمشه جوزها بتعشا وهيك لحتى عرفت اطبخ والحمد لله
بس هلا صار عندي 5 اطفال والي فتره في حاله نفسيه متل الزفت والله شعري ما امشطه غير لما اتحمم بس والمكياج لما تصير مناسبه فرح واكون كاني حاطه جبل على وجهي وما اوصل البيت غير على الحمام على طول اغسل وجهي وطبيخي صار مو كتير زاكي وزوجي بدا يبعد عني وصار ياكل عند صاحبه ودائما يحكيلي زوجة فلان طبيخها رائع وزاكي ومن فتره قصيرة فتحت جزدانه اخذ فلوس اشتري غدا ولا لقيت ورقه صغيره مكتوب فيها اسم فتاة جنيت ما ضل فني عقل بس زوجي دائما يقولي والله انك ماليه عيوني وما بحب غيرك المهم سألته عن الورقه قلي والله مابعرف من وين هي جت عندي وحكالي اكيدانا حابه امزح معه وحطيتها في جزدانه مابعرف شو اعمل ساعدوني وعلما انا متغربه واسفه على الاطاله