بـ"شهادات ماسبيرو": المسلمون شاركوا المسيحيين في تظاهراتهم

القاهرة - دنيا الوطن
: قام صاحب أحد المدونات على شبكة الانترنت بجمع عدد من الشهادات من شهود عيان على أحداث ماسبيرو الأخيرة التى وقعت مساء الاحد الماضي  الموافق 9 أكتوبر 2011، والتي اسفرت عن عشرات الجرحى ومئات القتلى .

وقام أشخاص مسيحيين ومسلمين بالإدلاء بشهادتهم من خلال هذه المدونة التي حملت عنوان "شهادات ماسبيرو" والتي احتوت حتى الآن على أكثر من عشرين شهادة .

 

وتقول ستيف نبيل حلمي ان "المسيره بدأت من دوران شبرا هما كانوا مقررين هيتحركوا الساعه 4 على ماسبيرو وكانت الهتافات منها طائفى زى ارفع راسك فوق انت قبطى".

وأضافت "معظم الهتافات كانت ضد العسكر وضد المشير وعمرى ما سمعت العدد ده كله بيهتف ضد العسكر والعدد فضل يزيد يزيد بشكل مهول ..".

 

أما شيماء يحيى فتقول في شهادتها :" عرفت عن المسيرة مصادفة عن طريق الانترنت منذ بضعة ايام وبعدها اتصل بي احد المشاركين فيها و هو شاب مسيحي اسمه عادل اعرفه من الميدان و طلب مني الحضور بالكاميرا مع الصحفيين لتغطية المسيرة اللي كانت هتبدأ من شبرا وهتتوجه لماسبيرو.. ".

وأضافت :"عادل كان معايا على التليفون اول باول عشان اتابع معاه لحد ما اوصل و قالي ان الاعداد بكيرة جدا في شبرا لحد ما وصلت المسيرة بالقرب من بولاق ابو العلا قرب محطة الاسعاف و بدأنا تصوير ساعتها".

وتابعت شيماء :"الامور كانت هادية جدا وكان المشاركين اغلبهم نساء واطفال وعائلات وناس عادية وكان في مسلمين كتير مشاركين وناس بتتفرج في كل حتة يعني يقدروا يثبتوا ان المتظاهرين ما كانوش شايلين سلاح ولا الكلام الفارغ اللي اتقال ، وقالوا لنا ان في بلطجية من منطقة السبتية ضربوا عليهم من فوق بالطوب والزجاج اثناء مرورهم تحت نفق احمد حلمي و عرفت ساعتها ان القلق هيبتدي كالعاد ".

 

ويقول أحمد منير :"قبل إي حاجه انا مكنتش موجود في ماسبيرو انا كنت موجود عند مستشفى القبطي بحكم انها جمب بيتي وسمعت من تويتر انهم محتاجين ناس تتبرع بالدم لبست ونزلت وحصل اللي حصل".

 

وأضاف :"قبل ما أحكي اللي حصل انا كنت متابع الاخبار من تويتر من قبل اي قناة ما تنقل الاحداث وجمعت كل الاخبار الموثوق فيها من شباب اصحابي كانوا هناك وكانت المسيرة سلمية ومكانش المسحيين معاهم قطعة سلاح واحدة وقفوا يهتفوا عادي جدا وكان معاهم مسلمين متضامنين معاهم .. ".

 

وكان رئيس هيئة القضاء العسكرى اللواء عادل محمود المرسى قد دعا المواطنين الذين يمتلكون أدلة ومعلومات تفيد جهات التحقيق فيما يتعلق بأحداث ماسبيرو باللجوء الى النيابة العسكرية لكى تسطر كافة المعلومات بمحاضر التحقيقات.