حياتي كلها زواج وطلاق ... ساعدوني

مرحبا
أمانه عليكم ارشدوني شو اعمل بمصيبتي الجديده
انا تزوجت اول مرة وكنت صغيره 16 سنة وعشت مع زوجي 5 سنوات انجبت منه طفلين وصار طلاق ومشاكل مع اهلو وامه على الاخص والتفاصيل عديده.... بعد طلاقي بسنه تزوجت شاب اعزب و الي معه 3 سنوات تقريبا ومشاكلي معه لا تعد ولا تحصى اسبابها الخيانه وبضل يحكي مع بنات وامامي وبضل مسجل بمواقع للزواج وحاليا بحكيلي وجدت وحده توافق تتزوج وتكون ضره جديده الك.... وانا بدي انجن مش عارفه شو اعمل انجبت منه ولد ومصيبتي زادت لانه ما بدي اضل اتطلق والناس تقول بترمي اولادها... وبنفس الوقت صعب علي اشوف الانسان الي حبيته بصدق بعمل معي هيك وبعاقبني وبقاهرني. سبب زواجه انه زوجه ما بتكفيه عنده طاقه زياده ! رغم اني حلوه ومش مقصره معه وبحاول قدر الامكان ارضيه بس للاسف كل محاولاتي فاضيه وعينه فارغه وبضل يطلع ويحكي مع بنات....
هاي قصتي باختصار وتفاصيلها كثيره بس والله تعبت لاني حرام اضل اتطلق هالمجتمع ما برحهم بس انا بدي اتفجر من القهر... انا صرت اكرهه ومش طايقه يقرب علي ويلمسني لانه قتل الحب.... ساعات بفكر ارميه واقله خد ربي ابنك وارجع اتطلق بس ما بدي اضل مطلقه لازم اتزوج لاني مش فاشله بحياتي وبعدني صغيره ليش اعيش بهم ونكد طول عمري؟

ساعدوني شو اعمل