انا كتير تعبان وبدي مساعدة

السلام عليكم ورحمه الله وبركاته
انا كتييير تعبان ماحدا عالم بحالى غير رب العالمين وحده..
انا اتعذبت كتيييرا لا اراكم الله فى هذه الدنيا مكروها ولا مرضا ولاحرمكم من احبابكم ..امييين
أبــدأ بطرح مصيبتي.. انا ياجماعه الخير يأسان كتييير من هالدنيا وبفكر كتييير بالانتحار مع انو بعرف انو حرام بس عنجد الوضع يلى انا فيه ماحد بقدر يتحملوا ولو جبال لنهدت كتيير تحملت وصبرت بس نفذ الصبر وكتيير بدعي ربي يريحني ويرحمني لاني اصبحت اعشق الموت لانوا بالنسبه الى راحه..
بإختصار انا بقالى 6 سنوات بعاني من مرضين وهو المرض الاول عباراة عن نوبات ألام شديدة بالبطن والمفاصل واالصدر والكتف لمدة 4 ايام كل اسبوعين وهادا الشئ بنسبة الى بسيط ومستحملوا وتعودت عليه.
المشكلة بالمرض التاني يلى مالوا تشخيص ولا علاج ولا شئ
وهو انو بيجيني نوبات وجع تستمر مابين شهرونصف الى شهرين او اكتر
ألم شديد جدا فى الفك بالوجه ونصف الرأس وذهبت 3 مرات الى مصر دون فائدة
مع اجراء 3 عمليات جراحية وجاء الى غزة وفد دكاترة بوفسورات من امريكا
واجروا لى عملية جراحية ولكن الألم كما هو ولم اشعر بأي تحسن بالمرة..
وغالبية الدكاترة يقولوا بإني حاله نادرة ولم يمر عليهم مثل حالتى وكل الاحتمالات الكانت واردة اخدتلها ادوية وعملت عمليات جراحية .. لحتي لم يبقى أي شيئ يشك به بأنه سبب مشكلتي ( لا يوجد تشخيص)..
ولجأت لشيوخ وعلاج بالقرأن ووالاعشاااب ووووالخ.... ولكن دون فائدة
بجد بجد بجد انا تعبااااان كتيير ماحد حاسس فيا زهقت المسكنات والابر مع العلم فترة نوبة الالم الشهرين أقضيها مسكنات( كل 4 ساعات باخدلى كبسولة مسكن او حقنة).
ياجماعه انا حاسس حالى راح انفجر ماحد حاسس فيا ولا ملاقى حد افضفضلوا
بعرف انو نصيبي بدنيا وكلوا بحسناتوا بس مش قادر اتحمل والله ماعارف اعيش زي العالم ولا عارف ادرس ولا اروح على جامعه ( مع العلم انو أجلت 3 فصول بسبب مشكلتى ومستوايا بجامعه كتير نزل..)
والله لو اموت بتريح وبريح اهلى , عنجد كتير مخنوق وحاسس حالى مش عايش بالمرة كإني بحلم وعايش بهدنيا اتعذب ..
بعرف انو فى ناس راح ترد بتعليقات جارحه ويحكوا هادا انهبل الشب وكلام كتير بس ماحدا بحس بالوجع الا الموجوع الله لا يورجي حدا الشفتوا والحاسس فيه.

بدي رأيكم بالموضوع 
واسف اني طولت عليكم