اهلي تغيروا 180 درجة

مرحبا
انا حبيبت اعرض مشكلتي عليكم لاني بصراحة مخنوقة علي الاخر وما في حد يسمعلي كل واحد همو مكفيه

انا بنت مشكلتي اني وحيدة بين اخواني الشباب وانا اصغرهم اولا انا نفسيتي تعبت بشكل غريب لاني ما بطلع ولا بنزل ولا حد جمبي ولا حتي امي صرت شوف الدنيا عمي كلها سواد

ثانيا بما اني البنت الوحيدة الي بالبيت حاسة حالي نص بنت كل تصرفاتي صبيانية لاني ما في بمحيطي بنات نفسي اعرف حقيقة مشاعري مش صريحة مع حد ولا مع نفسي حتي صعب اعرف شو بدي لما اكون متمنية شغلة وقربت احصل عليها بصير ما بدي ياها وما بعرف شو بدي

ثالثا انا كنت بحب اخواني كتير كتير وهاد اهم مشكلة مو عارفة ارضي هاد ولا هاد كل واحد بزعل بتحير كيف ارضيه والحق بكون عليه ما برفض لحد طلب وهاد كبر راسهم وصرت لوقت اللزوم في البيت وتحت الطلب وقت الزنقة وبهادل وكلام جارح مع اني والله ما برد عليهم مو خوف بس احترام صاروا بفكروا اني ضعيفة وما عندي كرامة لانهم ببهدلوني كتير يعني صار الاحترام عندهم بلادة وما في كرامة

رابعا امي ما بحسها امي مو قريبة مني بتعاملني كأي شغلة بالبيت ما في بينا خصوصيات علي اي شي بتروح فاضحاني لو تقلت بالمزح معها بعدتني عنها وعن زوجها يا رب شو اعمل

انا نفسيتي تعبت كتير والله راح انجن اذا بضل هيك مو عارفة شو اعمل بفكر اتزوج وخلص بس اذا ما توفقت بزجتي بكون خطيتي برقبتهم لانهم دمروني

والله صرت اكره حالي وكره كل الي حوالي بسببهم وبالذات اخواني حاااسهم كرهيني علي الاخر والله انت تخيل لما تعيش بين ناس ما بحبوك ومنبوذ من الجميع كيف بكون شعورك لما امك تحكيلك وقتيش يجي كلب ويتزوجك ويريحنا منك اي والله لحالها الدموع بتنزل

وامنية اخيرة انكم ما تجرحوني لاني ما ضل في حيل اتوجع اكتر ولا حتي نفس ياا رب ريحني يا رب