أبوي ياخد راتبي

السلام عليكم

مشكلتي يا اخوان ببساطة انا فلسطينية أعمل بدولة خليجية وابوي من سكان سوريا والحمد لله   الله منعم على أبوي أكتر من بكتير وعندو ممتلكات بسوريا .. أنا متزوجة وصرلي بشتغل تقريبا سنة .. المهم ابوي اتصلي من سوريا وحكالي حوليلي كل الي برصيدك بدي اشتري مزرعة وعاساس دين وهرجعلك ياه .. وحولت الو مبلغ 10,000 دولار عاساس رضا الوالدين وطاعتهم وللعلم راتبو اضعاف راتبي .. للعلم عندو مزرعة ومش محتاج وحدة تانية وللعلم اتعبت كتير لاحوش الفلوس وباخد من وقت زوجي وبيتي الي مستحمل وضعي وشغلي وما طلب مني حكالي فلوسك الك

المهم لهلأ ما حكالي شي عن الفلوس وكل مرة بحكي بعدين وحكتلو انا مش قدرتي اعطيك هالمبلغ وللعلم كمان اخد نص مهري وحكالي هي حقي .. وحكتلو هقدم استقالتي طالما تعبي بروح لغيري ومش حاسة فيه ولا حياة لمن تنادي وبزعل هو وبحكيلي هي ابسط حقوقي .. صح حقهم اعطيهم بس بكيفي مش غصب

انا بجد مش عارفة شو احكيلو وشو اعمل وصح هالشي حقوق الوالدين !! والله تعبت وخلص نفسي يفهم ويرجع الفلوس ويفهم اني مستقلة مش عارفة كيف احكي معو ..انا برايي ما اظن هاد من حقو ولا شو رايكم ..