مين الغلطان الراجل ولا المراة

أول شي أعتذر منكم عن غيابي لفترة عن التعليقات لظروف خاصة بي ..... أود ان اطرح موضوع لفت أنتباهي في عدة نواحي ... هو العلاقة الزوجية بين الرجل والمراة ... يعني لما كنت اطلع على الرسومات والكاريكاتير ..على صور الزوج قبل الزواج وبعد الزواج أستغرب وأقول في نفسي ( معقول الرجل بعد ما يتزوجو ببطل يطيق زوجتو ومعقول انا لما اتزوج راح يصير معي هيك ) أفهمكم شو يصير ..الزوج اول ما يتزوج بكون هو وزوجتو .. زي العسل ..سنة سنتين تلاته سنين أو حتى عشر سنين ... بتلاقي الزوج ببطل يضيق مرتو ...وبالتالي بلجأ لعلاقات غرامية وبتعرف على فتاة .. وهادا غلط لأنو هو عارف أنو مش حيتزوجها وهي عارفه انو مش حتتزوجو ... وبالتالي بستمر العلاقة هادي قد ما تستمر ولكن مصيرها الفشل ..والرجل برجع لعقلو ولبيتو وزوجتو وأولادو ..... هلوقت السؤال ليش الرجل بعمل هيك .. هل هادا غلط فيه هو او تقصير من زوجتو وبتبطل تهتم بنفسها وشكلها وتهتم بزوجها .... وأنا إلي خلاني أكتب الموضوع لانو صادفت معي بأكتر من شخص هادي القصة ...ومستغرب جدا وبقول ( معقول بكرا أعمل زيهم ) في المشكلة هادي مين إلي بكون بقصر .الزوجة ولا الزوج ... وكيف يمكن حل المشكلة ..او كيف يمكن أن نتفادى من هذه المشكلة قبل ان تقع وقبل ان نظلم أي فتاة معنا ... وشكرا إلكم ....