انا مليت من زوجي

انا مليت من زوجي عطوني حل!!
اعذورني لاني داخله حارتكم اول مرة ، حبيت أطرح قضيتي عليكم ....
انا تزوجت زواج تقليدي وزوجي من امارة ثانية و من ملجنا تغير كامل ما قال لي كلام حب و لا شياته وكنت اقول عادي كل شي بيطلع بعد العرس و خلصت الملجه و عرسنا
و أول يوم زواجنا سرنا الفندق و الله ما اقص عليكم انا لابسه و كاشخه عشانه بس هو صدمني انه تم يقرى الجريده لين ما رقد عالارض و انا انقهرت منه بس تميت ساكته و ثاني يوم العرس عادي كنا متزوجين من عشرين سنه يعني في برود من بينا من أول يوم فالبداية كنت استحي منه بس بعدين تعودت عليه لانه هادى
قمت اسولف معاه سوالف غزل و من هالسوالف وما كان يبادرني بنفس الكلام بس كان يضحك و انا اسكت و الم ويههي
و بعد شهر من العرس و انا بعدني بنت وكنت ساكته هو سار لعمله حسب دوامه وما كان يجييني الا فالويك اند
تخيلو كان ايي بس يوم الخميس اخر الليل و يسير السبت من الظهر و يتم طول الوقت يشوف تلفزيون
و دووم كنت المح له خاااطري بجهال وهو ابد صماَ بكماَ لا يفقهون و اذا رد رده يكون مثل رصاص في قلبي
زواجي منه كان عادي يعني امه خطبتني له و الله اني مب حلووووووووة طر و لا مووول ميح
يعني الكمال لله وانا زينه
و الله دوم اكلمه بس و لا مره هو سمعني
امي و ابوي و اخواني و كلهم يعرفون بس مستحيل اخبر أهله لا انا ما ارضاها عليه
و بعد تميت ساكته
و المشكله انه ابد ما يهتم لي اذا كنت متضايجه منه و اسير اقوله يرد عليه لا تقولين لي هالكلام تراني ازعل و اتعب يعني كل شي الا زعله هو بس انا
طز فيني و الله مرات اتم اصيح فالحمام لين تطلع عيوني و حتى لو شافني اصيح عمره ما سألني شو فيج؟؟
و بعد لازم ما اصيح يدامه لان اعصابه بتتعب
ومرات اسير اكلمه و اقول له ان حياته كلها عند هله مب عندي يرد عليه ليش أنتي منو عسب تقارنين عمرج معاهم و الله عمري ما زعلت حد فيهم و هم بعد طيبين معاي بس هو و الله مكرهني فيهم من تطنيشه لي
و انا ادري انه منه مب منهم
و حتى لما اخلي اخوي يوديني عنده لين عمله يتركني ف بيت اخووه و يطلع مع ربيعه و لا كأنه ما شافني من اسبوع
انا مليت من اسلوبه من تطنيشه لي و الله مليت انا كملت سنه معاه و انا بعدني بنت شو اسوي
من قلت له ابيك تقعد عندي تسولف معاي يعطيني فلوس انا مابي فلوس مابي أي شي غير انه يحسسني اني انسانه
و الله الكل شال في خاطره منه امي و ابوي و اخواني بس ساكتين لاني ساكته
شو اسوي
انا مابي اتطلق عطوني حلول غير الطلاق ابدا ما افكر فالطلاق