اين كرامتي المجروحة؟

صارلي عمر بشتغل بمحل البسة تقريبا سنة ونص وكنت مرتاحة نفسيا ومعنويا ومبسوطة الشغل يلي كنت عم احلم فيه لقيته صاحب المحل محترم ومؤدب واعتبرني بنته مش كموظفة ولا خدامة بالمحل صحيح المحل كبير وبده شغل وتنظيف ووقفة اقسم بالله كنت اتعب فيه كثير وكنت اتحمل لاني مبسوطة فيه والحركة ما بتضعفف ابدا بالمحل طول الوقت واقفة وعلى رجلي وبنظف وببيع وكان الراتب كثير قليل وما بكفيني بروح كله عالاجارات مع هيك انا مبسوطة واجمل محل وصاحب محل بشوفهن بحياتي اتعلقت فيه كثيرا وكنت ازهق يوم الجمعة لما كنت اعطل المحل صار روحي والهوى الي بتنفسه ما ببالغ وما بكزب انا مرتاحة ومبسوطة وكنت احكيله دائما امنيتي اطلع من المحل وانا مبسوطة وبرضايي مش مكسورة الخاطر وزعلانة وفعلا بعد سنة ونص اطلعت من المحل ودموعي على خدي ومكسورة الخاطر ورح احكيلكم يلي صار معي انا الغلطانة ولا هو كرامتي انجرحت وطلعت ابكي ودموعي على خدي امبارح اجت عنا زبونة واشترت منديلين(حجابين) واعجبها مقلط للحواجب بيجي معه فرشاية صغيرة صغيرة حقها خمسة شيقل وحكتلي انا ما بدي الملقط نفسي بس بالقطعة الصغيرة يلي معاها وانا حكتلها مش محرزة خذيها بعد ما طلعت ابن اخوه لصاحب المحل انتبه علي وبهدلني وحكالي ليش تعطيها اياها وبهدلني وووووو ولما طلع اجا صاحب المحل وحكالي شو ماله ؟؟ حكتله وحكالي ليش اعطتيها وانا مش رجل كرسي بالمحل وووو بهدلني هو كمان حكتله مش محرزة كلها فرشاية صغيرة وبخمسة شيقل وحكتله هلا رح ادفعلك حقها هلا وحطتله الخمسة على المكتب وحكالي انا مش عايش لمصرياتك ويلى روحي روحي امانة عليكم احكولي هاد سبب ليطردني ويبهدلني حسيت انه زهق مني سنة ونص وانا بوجهه وطلعت ابكي ومكسورة الخاطر روحت على بيتنا بعد 3 ساعات لاني كنت بمنطقة مقطوعة وكنت ابكي وابكي واحكي انا غلطانة ولا هو وليش طردني على سبب تافه حكيت لاهلي اني زهقت ومليت وتركت الشغل وبس امانة تحكولي هاد سبب محرز انا غلطانة ولا هو وليش مل مني انا مخلصة وفيه يحكيلي ازهقت منك وبدي جيب بدالك ليش طلعت زعلانة من المحل خايفة انه يكون بدخل هالموقع ويقرا التعليق بدي كل العالم يسمع هالسبب التافه الي انطردت بسببه واني ما اغلطت صارلي يومين بالدار زهقانة مالة طلعت روحي مش قادرة حاسة بدي موت اتعودت اطلع واشوف الناس وشغلة تانية نفسي اعرف شو رح يحكي للجيران والمحلات الي جمبنا سبب تركي للشغل هل رح يحكيلهم نفس الي صار ولا يحكيلهم سبب تاني اسمعت انه كل الجيران بيسالوا عني واشتاقولي بتمنى انه هلا يتصل فيا ويحكيلي ارجعي لهلا هو بدور على موظفه وانا هلا بحالة نفسية صعبة اتعودت عليه واشتقت اله ولجميع الجيران انا غلطانة ولا شو انا احكو اي شي جاملوني بالحكي انا كثير تعبانة تعبانة