زوجتي مثل البعبع بدون مكياج

مرحبا
 انا عندي مشكلة كبيرة وحابب تعطوني حل باسرع وقت انا جديد تجوزت والحمد لله بس لاول مرة تفاجئت بمرتي! بتذكر ايام الخطبة لما كنت اروح اسهر عند اهلها كانت تزبط حالها تلبس احلى الاواعي ودايما مرشرشة ريحة وتحط احلى ميكياج بس من بعد ما تجوزنا انتبهت لاول مرة لوجها بدون ميكياج !!!

حاسس انه انضحك علي ! طلعت مرتي مش حلوة وانا كثير كثير كثيييير مش مبسوط وعم افكر انه اطلقها! انا عنجد بحبها ومغرم فيها بس هي اكيد خدعتني

كل يوم الصبح بتصبح فيها وهي متل الملكة حلوة ومش ناقصها اشي والظاهر انها بتفيق كل يوم بتتزبط لتصير اميرة الجمال بس هديك المرة بالصدفة فقت قبلها وهي طولت بالنومة وما صحيت الا على وجها متل البعبع والله العظيم خفت من شوفتها. من شان الله يا ريت تساعدوني وارجو من المعلقين عدم الاستهزاء من القصة واعطوني حل باسرع وقت شكرا.