اسعـد زوجة بالعالم

يلي بيسمع اسمي بيحكي انه انا فعلا اسعد زوجة بالعالم لما تقراوا حياتي وقصتي رح تحكوا عني اتعس زوجة بالعالم ورح احكيلكم معاناتي فيكم تحكوا اني مقطوعة من شجرة ما الي حدا يسال عني اتزوجت من رجل اكبر مني ب 12 سنة مو مهم فرق العمر المهم اني حبيته ووعدني انه يسعدني بحياتي اتفقنا اول زواجنا انه ما نخلف هلا لسة بدري عالاولاد هيك زوجي بده حكتله طلباتك اوامر انا بعمل المستحيل لاسعده واخليه مبسوط مني هو احمل زوج الي وبحبه انا كثير ومستحيل زعله بيوم من الايام تعبت كثير ورحت عالدكتورة وكانت هون الصدمة حكتلي اني حامل خفت كيف بدي خبر زوجي وشو رح تكون ردة فعله لما يعرف خبرته جن جنونه وبهدلني وحكالي يا انا يا الولد وحكالي بدي اياكي تنزليه ولسة بدري عااولاد صرت ابكي قدامه واحكيله هالولد رح يملي علينا فرحتنا بالدنيا وانا بدي اياه حكالي ما رح ارميكي بالشارع بس من هلا انا حياتي بطريق وانتي بطريق وحكالي ما رح كون مسؤل عنك ولا عن الولد يلي رح ييجي وفعلا انا بنام بغرفة وهو بغرفة باكل لحالي بقضي طول الوقت لحالي بالبيت ما بيحكي معي بيتجاهلني كثير شو اعمل لارضي زوجي حرام شرعا انزل الولد ونفسي كون ام انا وجيب ولد يملى علي حياتي انا بشعر بالوحدة انا الي حياتي وهو اله حياته ولا مرة اجتمعنا مع بعضنا كل واحد بحاله شو اعمل انزل الولد علشان ارضي زوجي يلي بحبه انا ما الي حدا بالدنيا وين بدي روح اذا اجا الولد عالدنيا كيف بدي ربيه واصرف عليه معظم وقتي عالنت ما معي لاشهادة ولا شغل التهي فيهن الي بس النت والولد يلي يمكن ييجي عالدنيا الى زوجي العزيز انت اجمل واحن زوج بالعالم اطلب مني اي شي بس انزل ابني لا شو ذنبه الى زوجي انا اتعس اقصد انا اسعد زوجة بالعالم معك