أصحاب المشاكل اليومية

يمكن الموضوع غريب شوية .. بس هوة ضروري كتير بالضبط متل غرابته ..
من سنوات وأنا متابع دنيا الوطن .. ومن 3 سنوات أنا معلق فيها .. بس للأسف المشكلة نفس المشكلة ..
وهية إنو قسم أريد حلاً .. بالفعل يريد حلاً ..
أصحاب المشاكل اليومية إللي بتنعرض في هادا القسمة من الصحيفة .. لما يدخلو ويحطو مشكلتهم بيكونو في أمس الحاجة للرد على مشكلتهم .. بكلام واقعي حسب رأي صاحب التعليق .. وبتكون مشكلته وحلها أحياناً رهينة لتعليق أي معلق .. لأنو الغرقان بمشكلة بيتعلق بأي قشة .. وكيف لو كانت هالقشة هية تعليق ..؟؟!!

قسم أريد حلاً .. صار للسلامات والهايات والبايات .. وهادا شئ في غنى عنو أصحاب المشاكل ..
وظهرت مشكلة تانية بالقسم ..
المعلقين بيتجهو إلى المنتديات علشان ياخدو مشاكل ويعرضوها هان بالصحيفة .. وكل هادا علشان يتسجل إنو بيشارك بموضعات ..
المشكلة إذا ما كانت نابعة من واقع حقيقي بيواجهو أحد الأشخاص .. بتختلف عن مشكلة عامللها نسخ ولصق .. لأنو إحساسك بالمشكلة رح يختلف ..
المطلوب هان ..
يا ريت نعطي إسم قسم أريد حلاً إحترامه .. لأنو القسم مخصص لعرض المشاكل وحلها .. مش للإطمئنان على صحة المعلقين .. وعرض وصفات الطبيخ والعزايم ..

بتمنى نراجع أنفسنا شوية .. ونتذكر إنو أصحاب المشاكل أحياناً بيحتاجو ولو كلمة مواساة ترفع معنوياته .. مش وكأنه قاعد بمجلس تعارف ..

ملاحظة : كتبت باللغة العامية علشان نكون أقرب لبعض .. والكلام من القلب للقلب .. بدون قواعد نحوية وإملائية ..

إقبلو فائق إحترامي وتقديري ..

سلامي للجميع ..