مشكلتي والحجاب

انا بنت عمري 23 سنه بصلي وبقرأ قران ودايما بدعي الله. مشكلتي انو كل ما بدي ارتدي الحجاب بتردد وببطل مو عارفه ليش يمكن لانو ما عندي ثقه بحالي او يمكن لاني خايفه البسو وارجع اقيمو ويمكن ويمكن ويمكن.....الخ.
مع انو قريباتي محجبات ومعظم صاحباتي محجبات واختي الي اصغر مني محجبه.
يمكن ندرت ندر وانا بالتوجيهي انو ازا نجحت رح البس الحجاب بس مو عارفه اتزكر ازا ندرت ولا لا المهم نجحت ومالبست. هلا ال3 سنين متخرجه واعده مو عارفه الاقي وظيفه منيحه متل ما بدي بشتغل شهر شهرين وبترك.
ومرات بحكي انو لما اتزوج انشاء الله رح البس.يا الله مو عارفه شو اعمل بترجاكم تساعدوني وتنصحوني بعرف انو فرض وبعرف انو معظم الشباب بفضلوا المحجبه.
وبترجاكم تعلقوا عالموضوع لانو دائما بشوف اكتر من 200 تعليق ومعظمهم مجرد سلامات لبعض وبتنسوا المشكله المعروضه.