مش حاسة اني متزوجة وعندي زوج وبيت

الله يلعن الفقر وساعته اهلي مروا بظروف ما القينا فيها ناكل لحتى اجا يوم واتزوجت من واحد اكبر مني ب16 سنة هو متزوج وعنده 4 بنات وولدين(اولاده وبناته شباب) وزوجي واصل بمرتبته وشغله وظروفه امنيحة كثير(اتزوجته برضايي مو غصب عني) زوجته الاولى واولاده وقفوا ضده وزعلوا لما عرفوا انه بده يتزوج فهمهم وحكالهم انا بدي اتزوج بنت مش لاقية تاكل وتشرب بدي احسن ظروفهم وما رح احسسها انها زوجة الي واتزوجنا وانا بحاول اعمل كل شي لاخليه مبسوط معي واكون مبسوطة معه وسكني بشقة لحالي بس المشكلة انه بناته التنين لانهن بدرسن بالجامعة سكنن معانا بالشقة وانا بطلت اخذ حريتي لا باللبس ولا باي اشي عنده بنت بتغار من الطير الطاير على ابوها ابتكرهني وهيي ما بتحبني ودايما ملزقة بابوها وعم بتحرضه علي وانا بحاول اني اكسب بناته لصفي مع انهن تقريبا بجيلي يا الله شو بكرهني ما بدهن اياني اكون مبسوطة مع ابوهن وحتى لما انروح نسكن ببيته مع اولاده وزوجته الاولى الكل بيكرهني وما بده اياني انا بنت فقيرة معترة ما بحب المشاكل اتخيلوا بحاول اني ارضي مرته بدي اكسب الجميع لناحيتي لحد هلا مش حاسة اني متزوجة وعندي زوج وبيت ومش عارفة اذا رح يكون عندي ولد منه ولا لا الكل واقف ضدي وما بده اياني انا بحب زوجي وبنات واولاد زوجي والكل وبحب اني كون مبسوطة بس كيف انا فقيرة بس هما بكبروا المشاكل لزوجي ليطلقني ويرميني شو اعمل مع بنات زوجي التنين بدي حس اني وحدة متزوجة وعندعها زوج وبيت بس كيف