بدي حس اني بنت مخطوبة

مساء الخير لكل المعلقين
يمكن تعتبروا هاي المشكلة مو مشكلة لحتى اعرضها عليكم هون بس والله بعتبرها اكبر مشكلة بحياتي يلي عم اعاني منها بجد عم احكي لحد هلا انا مش عارفة انا بنت مخطوبة ولا مش مخطوبة رح احكيلكم قصتي وانتوا احكموا اذا كنت مخطوبة ولا لاء انا بنت انخطبت من شب مؤدب خلوق وحالته المادية امنيحة مش ناقصه اشي فيكم تحكوا هاد عريس احلامي والحمد لله طول 5 اشهر وانا بحاول احس انه انا لابسة ذبلة بايدي وعندي خطيب ولا لاء اجمل شي بحياة الخاطبين هيي مرحلة وفترة الخطوبة علشان يتعرفوا على بعض ويفهموا بعض بس كيف بدي افهمه ويفهمني وامي بظلها 24 ساعة قاعدة بيناتنا بالغرفة ما ابتتركنا نتنفس بتغيب بس دقيقة وبترجع على طول عالغرفة والله العظيم ما بدي اعمل شي يغضب ربنا مع خطيبي بس بدي حس فيه بدي بس امسك ايده انا اسفة اني عم احكي هيك بس زي نحنا بسجن وحوالينا حارس امي بحبها وبحترمها كثير كل شي ممنوع عندها ممنوع نقعد لحالنا او يتسكر الباب لازم يكون حدا من اهلي قاعد معانا والله بسمع من صاحباتي انه باب الغرفة بتسكر عليهم بالمفتاح انا ما بدي هيك بس بدي امي تغيب 5 دقائق عنا ولا ابوي بروح من الشغل واحيانا بنام بالصالون وخطيبي عندي والكل بكون قاعد معنا وكمان ما منطلع مع بعض للسوق او نروح على شي مطعم بصراحة اكتر لو واحد غير خطيبي كان فصل الخطبة عني لانه ما في حدا بتحمل يلي بصير كل شي ممنوع خطيبي عم يتحمل كرمالي لانه بحبني لو غيره كان ما تحمل وتركني شو اعمل احكولي انا بنت فعلا مخطوبة ولا لاء كل شي ممنوع
واحمد بده نتزوج بسرعة ما عاد يتحمل وحكتله اجمل شي فترة الخطبة هيك انا بسمع معقول رح اتزوج بالصيف انا وما حس اني كنت مخطوبة ساعدوني شو اعمل انا معي حق ولا امي ما توقفوا ضدي الله يخليكم