مش قادر انساها ببالي دايما

السلام عليكم ورحمه الله
 انا شب ابلغ من العمر 22 عاما اعمل في مؤسسه في غزه .. في هاي المؤسسه يأتي الطلاب والطالبات يعملن كفتره تدريب عملي ... احدا الطالبات اعجبت فيها كثيرا لانها جميله جدا ... رأيت طالبات كتير .. لكن هاي البنت دخلت قلبي من اول ما شفتها حسيت انها انسانه محترمه وزوق وبالفعل طلعت متل ما كنت حاسس ..
حبيت شغلي كتير وصرت استني يجي موعد دوامي عشان اشوف البنت ... كنت كل يوم بمر احبها اكتر
لكن ما كان في كلام بيني وبينها غير بمجال الشغل ولا يزيد ايضا عن ( كيف الحال شو اخبارك ) خفت انه اصارحها بشي لانه هي بتدرس تخصص بالجامعه اعلي من تخصصي بشوي .. استمر هالحال لفتره وكنت بجد احلم كتير بهاي البنت .. وقررت ع بدايه السنه افتح معها الموضوع واصارحها بكل شي .. لكن اكتشفت من اسبوعين فقط انه البنت صارت مخطوبه .. من شب كانت بتحبه من سنتين .. بجد لما عرفت متت اتعزبت كتير .. ولهلا انا عايش بعذاب بعرف انه كل شي نصيب وانه ما الي نصيب بهاي الفتاه... لكن احكولي شو اسوي .. انا كرهت شغلي صرت بس اروح الشغل اتذكرها اموت .. كرهت البيت ... صرت عصبي مع اهل بيتي .. دايما مدايق ... مش قادر انساها دايما ببالي .. وتفكيري فيها بزيد كل يوم عن التاني .. فيدوني شو اعمل كيف اقدر انساها .. لانه صارت علي ذمه راجل تاني .. احكولي كيف ارج لشغلي وما اتذكرها .. بجد انا تعبان ..