أمي تفكر بالزواج

أرجو أن أجد عندكم جواب على مشكلتي العويصة. وبصراحة انا شاب محترم عمري 22 سنة مش من شباب جيل اليوم بمعنى أنني أعتبر حالي راكز ومحظوظ بأنني وجدت فتاة أحلامي وصارلنا خاطبين سنة وقريباً سوف نتزوج.

وتكمن المشكلة في أنني وحيد أهلي، أو بالأحرى وحيد أمي لأن أبي مات عندما كنت طفلاً .. وكانت أمي كل شي بحياتي ونذرت عمرها وكرسته حتى أكون مبسوط وراضي.

أعترف أنها دفنت حياتها الشخصية على شان حياتي أنا بس بصراحة من فترة صغيرة تعرفت على رجل مطلق أكبر منها بكم سنة محترم وجيد .. لكن للأسف أنا حاسس أنهم في تبادل إعجاب بينهم، وبقول للأسف لإن أمي الظاهر بعد ما ضمنت أنني سوف أتزوج وصرت كبير ومسؤول عم بتفكر بالزواج.

بدها تبهدلني قدام دار عمي وخطيبتي؟
ومرة من المرات سمعته يعرض عليها الزواج وأنا من يومها لا أعرف النوم لإني مش راضي وما بدي. تخيلوا أنا العريس قال بدي أتزوج مع أمي..

اشرحولي كيف يعني؟ ما تقولولي حقها ومش حقها ودفنت عيشتها كرمالك؟ أنا هذا الكلام ما بمشي عندي شو هي بدها تبهدلني قدام دار عمي وخطيبتي؟ مش عارف شو أعمل بس أعطوني أي نصيحة ممكن اتريحني...