زهقت ومليت

تحياتي لكل المعلقين والمعلقات...
انا بنت عمري 23 سنه تخرجت من3 سنين دبلوم تجاره ولهلأ اعده بالبيت مو عارفه لائي شي شغل محترم قدمت لكتير وظايف حكوميه ولعدة بنوك بس هدول للاسف بدهم واسطات كبيره وكل سنه وكل شهر وكل يوم بوعدوني انو خلص الشهر الجاي بتكوني متوظفه بس الله وكيلكم عالفاضي كلهم شاطرين بس بالحكي الي 3 سنين على هالحاله.فقدت الامل ما ضل قدامي غير النت احط على مواقع الوظائف الشاغره بس كلها وظائف من القطاع الخاص وكلهم يا بطلبو سكرتيره او مندوبات مبيعات.جربت السكرتيره عملوني خدامه للعالم اقدملهم شاي وقهوه مع راتب 500 شيكل.وكأنهم طالبين عاملة تنظيف او أزنة مدرسه جربت اكون مندوبه طلعت شغلة التسويق ضحك عالبنات بخلوهم يلفوا عالمحلات وعالناس وبالاخير من دون راتب ولاحتى شيكل ولله.وهيني الي 3 سنين بالبيت لا فوته ولا طلعه صدفه لاطلع شي مشوار.حتى اني صرت كتير عصبيه بالبيت بتفشش بأخوتي واختي وامي وابوي ما بخلي حد من شري بكون مستنيتهم عنكشه مشان اعمل نكد وهم.ولله زهئت ومليت كتيييير بطل عندي امل بالناس كل واحد همو مصلحتو وبس. حتى بطل عندي ثقه بحالي.مو عارفه شو اعمل ولله فرفطت روحي من هالدنيا الممله.حتى صاحباتي مو فاضيين انو مثلا نتفق نطلعلنا شي مشوار نغير جو كل وحده ملتهيه بشي.
ياريت تنصحوني بشي حل مناسب بترجاكم ...