أهديته هدية بعيد ميلاده فضربني

أنا فتاة عمري 15 سنة، بدي احكي لكم قصتي بالمختصر.... بس أرجوكم اقرءوا للآخر

أنا قصتي أول شي من بابا إنسان طبيعته وحش ما يهموا حدا ما بخلينا نعمل شي بالحياة دائما بضربنا وأول شي بفكر فيه هو الفلوس وين ضيعهم وعلى مين دائما يذلنا بفلوسه، ولا غير هيك لما بضربنا يا ريت بضربنا لسبب مقنع صح أنا أحياناً أعاند لكن هذا ليس مبرراً لضربنا بالصورة التي نضرب فيها والله ما بخلي وسيلة ضرب إلا واستخدمها أنا كرهت حياتي بسببه حاولت انتحر مرة بعدها قلت لا والله حياتي أهم منه أنا تعودت على الضرب، لكن بسببه والله صار نفسي أقوله بدي اطلع مشوار ويقلي روحي دائما مقعدنا في البيت خانقنا بين أربع حيطان طيب بعدين قلت بدي أحكي مع أي حدا كبير قالوا لي قربي منه وحاول تفهمي وقربنا منه وأول محاولة لأقرب منه أهديته هدية بعيد ميلاده يوم ما أعطيته الهدية ضربني وقلت بتحمل في النهاية أبي ولكن هو طلع غير هيك ويااااااا ريت في هذا الشي ما حدا يقلي أبوكي وبدو مصلحتك لأنه لو بدو إياها ما بعمل هيك

أنا طبيعتي كنت وأنا صغيرة إنسانة كتومة ومطوية وما اللي بالدنيا شي كان الكل يحكي لي أنتي ليش هيك اقلهم هادي طبيعتي لدرجة انو صاحبتي اكتر إنسانة عزيزة علية تركتني بس لهذا السبب حاولت أغير بنمط حياتي يوم ما غيرت ندمت على الساعة اللي غيرت فيها لني بجد شفت من أبي ما يكفي أنا كرهت الصاحبات وكرهت الناس وكرهت أبي وكرهت أمي وكرهت كل الدنيا ... كرهتها.

كتبتلكم رسالتي لأني تعبت وبجد تعبت ما لاشي لكن كتبت لكم بدموع مليئة بالعناء هذا مش كل شي لكن مما استطعت أن أقوله...ولسا ياما راح شوف في حياتي طول أنا عايشه وبتعذب.

أتمنى من كل واحد يقدر يفيدني بأي شي أرجوكم تساعدوني أنا ما كتبت هذا هيك بس لأني تعبت قلت أكتب قصتي لكل اللي يسمع ويقرأ يا ريت تفيدوني أنا حياتي تعبت منها.

ساعدوني بكل ضمير .. وأرشدوني بآرائكم ..