كل البنات الي بسني مخطوبات

مرحبا...انا مشكلتي بتشبه المشكله الي انعرضت قبلي مباشرة انا عمري 23 سنه وكل البنات الي بسني من قرايبيني يا مخطوبات او متزوجات.ما فيهم الا بحكولي يلا شدي حيلك اخطبي كبرتي تاني شوي بتعنسي وشو بعرفني شو وكأنه هاد الشي بايدي ولله حسسوني اني كبيره ومعنسه ومختيره وسناني مهرهره وازا حدا من صاحباتي او من الناس شافوني بسالوني خطبتي؟تزوجتي؟طيب ليش لساتك لهلأ الي بعمرك صار عندهم ولدين تلاته ولله طلعولي روحي.سببولي مشكله من ولا شي.صرت افكر بهاد الموضوع غصب عني وصرت أستحي احكي للناس أديش عمري.انا ما بدي حلول منكم لاني بعرف انو هاي مو مشكله وانو المشكله بالناس الي حوالي. انا بدي شوف تعليقاتكم وبس وشكرا كتييييييييير .