حياتي سنوات الضياع

انا تزوجت وعمري 15 وتزوجت ببلد غير البلد اللي اهلي فيه مع زوجي .زوجي رجل غير سوي ابدا بكل صفاته فهو يتعاطى الحشيش ودائما مع اصحابو وكتير بيمد ايدو عليا وقسما بالله كل حياتي معه عزاب صار لي متزوجه 14 سنه وعندي 5 اطفال انا صرت مش قادره اتحمل اكتر. سنه ورا سنه بيزيد سوءه وانا وياه دائما في مشاكل زمن جديد صارت بينا مشكله جديد وقتها دخل من برا البيت بدون سبب يقلي انو بدو يتزوج عليا وانو بدو يطلقني لكن بدو قبل كل شي يوقعني على تنازلات عن الاولاد والمؤخر وبدو اهلي كمان يدفعولو المهر المقدم .صارت بينا مشكله كبيره لدرجة انو رحت اخدت من المطبخ سكين وصرت اهددو فيه الله ينتقم منه ما خلا شي ينعمل الا وسواه واولادي حرق قلبي على ولادي اخدهم مني وصار يمزع اواعيا قدامهم ويقلهم انو ما الكم ام وهما صارو يبكون وبنتي لكبيره سكرت عحالها الحمام وضلت تعيط والبيت كله كانو كابوس حسبي الله ونعم الوكيل فيه انا هلقيت حردانه ببيت قرايبي وبدي اطلق وهو رافض يطلق وصارت بينا محاكم وانا ما الي اهل بنفس البلد بس عمه وحده ومسكينه .هلقيت بعد 3شهور من اخر مشكله صار بدو يرجعني وبيقول انا ما بدي اطلقها وما بابدلها بكل نسوان الدنيا .وانا ولادي واجعني فراقهم لكن مش عارفه ايش الصح وايش الغلط حاسه حالي بدوامه ومش قادره اطلع منها خايفه ارجع عندو يبليني بمصيبه لانو انا متأكده انو بيدبرلي شرك لينتقم مني لانو انحبس بسبب ضربو والاعتداء عليا..لكن بنفس الوقت انا مش قادره اطلق ولا الي اهل يسندوني .والله انا كتير تعبانه وما بعرف اذا في لحياتي حل لاني انا اعجزت كتير وصرت حاسه حالي هم على كل الي بعرفهم .والله بتمنى الموت كل يوم وصرت اشتهي اموت لارتاح . بتمنى لو في حل حقيقي او مراكزفي غزه بقدر الجأ الها دلوني عليها ..حقيقي انا عشت وبعيش حياه وسنين ضايعه راحو سنين عمري هيك الله اكبر على كل ظالم