خطيبي الو سـوابق

مرحبا باحلى موقع بعد التحية انا حبيت انشر مشكلتي هون وان شاالله لاقيلا حل

انا فلسطينية عايشة بالخليج واهلي كانو كتير يسافرو لتركيا فمرة تقدملي شب تركي مسلم بس مو كتير متدين يعني بالاسم وانا كمان متو متدينة وكان كتير حلو وجرئ والو شخصية وكتير حبيتو وفرحت فيه واهلي الحمد لله وافقو وكل شي كان تمام

بس بعد ما تمت الخطبة اكتشفت انو كان الو سوابق مع بنات يعني اشياء عاطلة وكمان كان يشرب (يسكر) وبيدخن وكمان صارلي معو موقف مابقدر احكيه هون فانا حكيت لاختي بس وكتمت الموضوع عن اهلي مشان ما يبطلو
وبعدين صارحتو بها الموضوع وانو كيف بيشرب قالي مش مشكلة انتي مو لازم تشربي !! فقلتلو ولا انت او ازا انتو اسلامكم غير عنا فهادي مشكلة وبعدين حسيت اني جرحتو بس هو بعدين حكالي خلص انا مارح اشرب بس ماحسيت انو كتير صادق يعني كيف وافق بهالسرعة وكمان شغلة البنات فرغنا منها بس انو رح يدخن وهالشي عادي عندي

وكمان رح اضطر عيش معو بتركيا وانا ما بعرف تركي حتى معو بحكي بالانجليزي
مرة قلت لبنت عمتي عن هالشي فصارت تحكيلي ما تضيعي واحد زيو ..

وكمان نسيت في شغلة حلوة فيو انو بيضحك على كل نكتة بحكيها حتى لو كانت بايخة ودايما بيسمعلي

انا محتارة هو بالاول كتير حبيتو وعجبني بس بعدين بطلت اطمن معو ومابدي ضيعو
وشي اخير مشان الله ماحد يسب او يتهزى لاني ماكتبت الموضوع هون لاني بحبكم ومتاسفة عالاطالة
سســلأــأ م