عندي مشكلة وعاوزة حل؟

السلام عليكم
انا عندى مشكلة واتمنى لو حد يحلهالى مع انى مكنتش احب اول موضوع ليا يكون كده
انا هدخل فى الموضوع على طول

انا بحب واحد من على النت اوى اوى بس مش شايفة اى مشكلة من معرفتى بيه على النت ومستعده اضحى بأى حاجة علشانه
المشكلة انه ماقليش انه بيحبنى ومعرفش اذا كان بيحبنى ولا لا بس دايما تصرفاته بتقول انه على الاقل معجب بيا لانه على طول بيغير عليا اوى وبيخاف عليا جداا
بس انا اعرفه بقالى كتير مستغربه انه لحد دلوقتى ازاى ماقليش واللى مضايقنى اكتر انى مبينه اوى بس غصب عنى مش بقصد
واللى مضايقنى اكتر انه ساعات بيقولى انا هبعد ومش هدخل نت تانى بس بسبب مشاكل بتحصل بينه وبين ناس موجودين معانا فى المكان اللى دايما بنتكلم فيه

انا مش عارفة اعمل معاه اية عايزة انساه بأى طريقة بس مش عارفة ومش قادرة ابعد عنه ولو سألت حد من اصحابى يقلولى متبعديش ده باين عليه بيحبك اوى وخايفة برضو اصبر عليه شوية يطلع فى الاخر مش بيحبنى

بنت من مصر