هل أفسخ خطوبتي الثالثة...؟

انا كنت مخطوبة قبل كدة مرتين وتفشكلوالحمدلله انهم اتفشكلوا على خير الاولانى مكنتش قبلاة خالص واكتشفت انة شخصيتة وحشة جدا دة غير عيوبة الكتيرة والعيلة كانت رافضاة لكن ماما وافقت لانها كانت عايزانى اجوزوتفرح بية وانا قولتلها كتير مينفعش اخد واحد مش قبلاة لكن لاسف حصلت قراءة فاتحة ومرت شهور وبعدين

انا مقدرتش اتحمله وبعد كده اتقدملى التانى وقبل ما ارتبط بيه اكتشفت انه معندوش سكن كويس وبيكدب فى حاجات كتير وشخصيتة وحشة جدا انانى ومغرور ماما وبابا خصبونى عليه وحصلت قراية فاتحة وبعد شهور اتفشكلت واهلى اكتشفوا انة انسان مش كويس وانا ساعتها عاتبتهم كتير المهم اتقدملى بعدها واحد وانا ساعتها نفسيتى كانت تعبانة قوى ومش بفكر فى الجواز اهلى سالوا عنه والناس كالعادى قالوا انه انسان كويس وكانوا عايزينى ارتبط بيه انا ساعتها لما عرفت انه بيشتغل فى اعمال حرة انا ساعتها اترددت لكن اتغاضيت عن الموضوع وقالولى انه الشغل الحلال عمرة مكان عيب اكتشفت انه معاه 7بنات اخوات وحصلت خطوبة واكتشفت انى امه ست مستقوية القلب جدا على اهلى فى الاجهزة والحاجات المطلوبة من العروسة واكتشفت انى امه هية اللى كلمتها لازم تمشى وخطيبى مالوش شخصية مع اهله بل وكمان مالوش راى وكل كلمة اقولها له يروح يقولها لاخته المتجوزة واخته تقول لامه والخبر ينتشر على عينك ياتاجر انتوا مش متصورين اى حاجة زى ايه زى اتفة حاجة المهم اكتشفت لسة الايام دى انة بخيل جدا بل قمة البخل فى كل حاجة بل من قيمة كام يوم جت والدته وقالتلى انى الشبكة على العروسة هى اللى تجبها اليومين دول انا طبعا قعدت اتضحك ورديت عليها وقولتلها ان الشبكة معروفة انها هدية من العريس للعروسة حتى لو كانت حاجة بسيطة دبلة مثلا المهم فوجئت فى التليفون ان خطيبى بيقولى انى الشبكى على العروسة فرديت عليه نفس الرد وهوة مكنش مقتنع بكلامى ودار حوار طويل عريض فسالتة فى الاخر انتا ترضى انى الست تصرف على الراجل قعد يتهرب من سؤالى وبعدين قالى انى الست دلوقت وصلت مناصب كبيرة قولتله الست دلوقت بتوصل مناصب كبيرة مش علشان المادة وانها تصرف على البيت الست دلوقت عندها طموح كتيرة جدا وبتطلع علشان تثبت ذاتها وقدراتها المهم معجبنيش كلامى وخلصت المكالمة وبعد كدة دار حوار مابينى وبين نفسى واكتشفت حاجات كتير اكيد انتوا اكتشفتوها معايا بجد انا عايزة اعرف اكمل مع الشخص ده ولا لا واساسا اهلى مش موافقين على موضوع الفسخ اتعامل ازاى معاه ولا اعمل ايه

صاحبة الحلم الضائع..