انا كتير كذبت عليه

السلام عليكم ورحمة الله وبركاته
انا بنت عمري 16 سنة تعرفت على شب عمره 26 سنة عن طريق النت وكنا نضل نحكي على الايميل كل يوم وهو دائما كان يحكيلي انو بحبني وانو نفسه نبقى نحكي مع بعض طول العمر انا كنت ماخدة الموضوع مزح وانو هو بالنسبة الي مجرد صديق وبس مو اكتر بس بعدين انا بديت احس اني بحبه كتير وانو بديت اتعلق فيه وهو بعد 6 اشهر طلب مني انو نحكي على التلفون انا بالاول رفضت بس بعدين وافقت وصرنا نحكي على التلفون كل يوم تقريبا وهو كل ما نحكي يضل يحكيلي بحبك وانا كمان صرت احكيله انو بحبه بس هو قبل شهر طلب مني انو يجي على بيت اهلي مشان يطلبني من اهلي وانا بالعافية لحد ما قدرت اتخلص من هالموضوع معو وسكرنا على الموضوع بهداك اليوم بس هو قبل كم يوم رجع يحكي معي بالموضوع وقلي انو لازم اخد قراري وازا كنت بحبه لازم اخليه يجي على اهلي وازا ما كنت بحبه رح احكيله لا تجي بس انا ما قدرت اجاوب وقلتله ما بعرف هو طلب مني انو افكر بالموضوع بس قلي لازم تعطيني الجواب عن قريب انا بصراحة كتير خايفة احكيله يجي لانو بالاول انا بدي اخلص دراستي وبعدين افكر اني ارتبط وتاني شي انا كتير كزبت عليه باشياء يعني هو ما بيعرف اسمي الحقيقي ولا اسم ابي ولا اسم امي حتى اسم عيلتي بيعرفها غلط وبعدين وانا ما بدي يزعل مني ازا عرف انو انا كزبت عليه بكل هي المعلومات وانا كمان خايفة ازا قلتلو يجي يطلبني من اهلي شو رح تكون رد فعل ابي ازا عرف انو تعرفت عليه عن طريق النت مع انو امي بتعرف انو انا تعرفت على ناس عن طريق النت بس ابي ما بيعرف انا محتارة شو اعمل اخبر الشخص يلي بحبه عن اسمي وعيلتي واحكيله يجي او ارفض انه يجي على بيت اهلي ارجوكم ساعدوني انا محتاجة كتير لرايكم وافكاركم وانا اسفة اني تاخرت عليكم كتيير بقصتي
وشكرا كتير الكم