رسالة من فتاة كانت رح اتضيع

مين منكم سمع انه في بنت شريفة وبريئة طول عمرها عم تسعى لتحافظ على شرفها وفجاة كانت رح تضيعه بلحظة زي سرعة هالبرق
مين منكم سمع انه في بنت ابتعمل حالها خجولة وبريئة ومسكينة وبالاخير بتطلع منها العجايب والمصايب وبرضاها كمان
كل هالمقدمة هاي عم احكيها عني لاني رخيصة انا وندمانة وعم اعض اصابعي ندم ومش لاقية حد يساعدني ويحميني ويصلح معاي الغلط والمصايب الي جبتهم لحالي لك انا بلحظة كنت رح اضيع شرفي واندم طول عمري
انا بنت عمري 20 سنة كل يوم بروح على موقف الباصات لحتى اركب الباص واروح على جامعتي وانا بروح بدري على جامعتي والباص بتاخر اشوي وبكون استنى فيه كان يمرق شب عمره بالثلاثين بسيارته سحرني واخذلي عقلي ظله يطلع علي وانا طنشته وتاني يوم زي الشي لما يمرق بظله يطلع علي واستمر هالموضوع هاد عشر ايام مع العلم انه دوامي انا كل يوم
انا كمان ما قصرت معاه مع اني والله العظيم مؤدبة ومحترمة بس ما اقدرت اتحكم بعواطفي تجاه شب مع العلك اني اول مرة بحب انا اعجبت فيه وكنت متمنية اني احكي او يحكي معي وبالفعل اعطاني رقم جواله ورفضته بالبداية وانا ما بدي اكزب عليكم حبيته هاد الشب واخذت رقم جواله ورنتيت عليه ومن كلمة لكلمة ومن سهر على الجوال وحكي الحب طلب انه يشوفني انا بالاول بعمل حالي اني خجولة ومؤدبة ومن جواتي بحبه وبتمنى انه ازوجه او البيله طلباته وقبلت بطلبه علشان المحله انه يزوجني
اطلعنا اول مشوار بالسيارة وكان احلى يوم بحياتي وهو يلي لمحلي موضوع الخطبة وطرت من الفرح وبعدها اطورت الامور بيناتنا وطلب انه يشوفني وعم اعمل بالبداية اني عم ارفض طلباته ووافقت اني شوفه
والتقينا بشقة ما بعرف اصلا لمين هيي وحاول انه يتهجم علي لولا ستر الله وحاولت اهرب منه الله لا يوفقه طلع ابن حرام وكان هدفه يضحك علي حسيت انه ربنا رح يحميني ويعطيني فرصة تانية لحتى ما اندم طول عمري وقدرت افلت واهرب منه
الي قاهرني انا اني ما بعرف عنه شي غير رقم سيارته احفظتها من كثر ما شفتها وهيي عم تمرق من جمبي
رسالة الي كل فتاة لا تنخدعي بكلام الحب وكوني واعية واصحي جيدا عندما يطلب منك اي شب ان يتعرف عليكي
الله سترني والحمد لله لساتني بنت شريفة وكله هاد هدية وموعظة من ربنا
بدي انتقم منه هالصايع ومو عارفة كيف
بدي احكيله خاف ربك وانت عندك خوات بنات ليش اضحكت علي وليش كنت بدك تضحك علي
رسالة الي كل فتاة دعك واتركي كلام الحب عبر الجوال والايميل ولا تدعي اي مخلوق لا يتقي ربه ان يضحك علي بكلمتين وغزل ومدح
انا هلا ما عم اترك ولا فرض وقريبة كثير من ربنا لانه جددللي حياتي وعيشني من جديد بعد ما كنت رح اموت واندفن وانا رخيصة
ورسالة اخيرة يا بنا ت انا كنت رخيصة لاني كنت عم اشجعه انه يحكي معي
اتبسمته معاه وظليت اطلع عليه واخذت رقم جواله وشفته بالسيارة وشفته بشقته
الله يسامحني ويغفرلي ذنوبي
امنيتي اني اتنقم منه بس كيف
رسالة من اخت لاخواتها البنات حافظوا على انفسكم وشرفكم من الضياع