اغلب المشاكل سببها النساء

اسرة دنيا الوطن والى زاوية اريد حلا

الحمد لله ما عندي مشكلة

انا دائما متابعة زاوية اريد حلاا ودائما بقرأ مشاكل بمشاكل بس هاي المرة انا حبيت اشارك مش بمشكلة بل بتجربة

انا امراة متزوجة من 9 سنين والحمد لله عندي 3 اطفال والف الحمد لله عايشة ومبسوطة كتير مع زوجي,, زوجي والحمد لله مافي منه بكل الدنيا الله يخليلي اياه وللاولاد يااارب

حياتي حياة عادية يعني بتصير فيها مشاكل بتصير باي بيت بس ما دام الزوجين واعيين وبفهموا بعرفوا كيف يحلوا مشاكلهم لحالهم

انا اغلب المشاكل اللي بسمع عنها او بقرأها سببها النساء مع احترامي للجميع

صدقوني انه الرجل ما بده غير كلمة طيبة ومعاملة منيحة مافي داعي انه المراة انه تعامله كند الها

لازم تتنازل هي اكثر منه صدقوني لما تعمل هيك بصير يحبها ويحترمها اكثر بينما المرة العنيدة ما بتربح شي بالعكس بتخسر حالها وبتخسر جوزها

وبس تتطلق بتصير تتمنى ترجع لزوجها طيب من اول مافي داعي توصلوا للموصول هادا

وبرضو لازم الرجال يحسنوا معاملة زوجاتهم

ومادام كل واحد بعرف حقوقه وواجباته وبخاف الله بجد بعيشوا بسعادة ومحبة

وبتمنى السعادة والتوفيق للجميع