اتقدملي عرسان وكلهم خارج رام الله

مساء الخير للجميييييع
اترددت كثير اني اكتب مشكلتي هون والادهى من هيك اني رح خبر الجميع عن اسمي ورح احاول احكي قصتي باختصار شديد
انا بنت عمري 21 سنة وساكنة بمنطقة برام الله قصتي هالمرة هاي رح احكيها عن والدي
من اول ما وعينا وكبرنا على هالدنيا انا وخواتي وابوي حاطط براسه انه ما بده يغربنا ويزوجنا برات المنطقة الي ساكنين فيها
هلا خواتي اتزوجوا من نفس منطقتنا وهلا اجا دوري لاحكي عن حالي اتقدملي عرسان وعم يتقدملي وكلهم برات منطقتنا اجاني من القدس والخليل ونابلس وكلهم رفضهم ابوي طيب ليش وايش هو السبب لحتى ابوي عم يرفضهم انا هيك نصيبي وهيك رح يكون لانه كل الي بتقدمولي برات رام الله ليش ابوي بده يقطع بنصيبي انا مو قاتلة حالي عالزواج لا والله بس هاي سنة الحياة ويمكن ربنا كاتبلي واحد من برات رام الله
اذا ظلت هالفكرة براس ابوي انه ما بده يغربني رح اظل بوجهه طول عمري
رح تحكولي الزواج قسمة ونصيب وانه ابوكي معاه حق وهو بيعرف مصلحتك كل هالكلام بعرفه انا بس انا بجد مجروحة من ابوي قبل يومين اتقدملي عريس والظاهر ما رح يصير نصيب بيناتناا ابتعرفوا ليش لانه من نابلس ابوي بفكر انه المسافة بين رام الله ونابلس زي المسافة ما بين الارض والقمر
احكولي والدي معاه حق ولا غلطان بيلي بيعمله فيا انا وخواتي؟؟؟؟؟

ورود القـــــــــــــدس مجـــــــــروحة كثير من ابــــــــــوها