عصيت ربي كتير شو الحل

انا بنت متل باقي البنات بضعف قدام مغريات الحياة ويمكن كنت بعيده عن ربي , كنت بعلاقه مع شاب من عمر13 سنه لليوم صار عمري 21 كنت معه طول هالفتره بعلاقه محرمه ان على الهاتف وكنا نلتقي كمان , حاولنا كتير انه نكون لبعض بس بالاخير ما صار نصيب من رفض من اهلي لانه من منطقه بعيده ولسبب تاني ما حابه اذكره ورفضت كتير عرسان بسببو وكل الناس عنا بتعرف اني بحبو ومستحيل اعيش بدونو , انا حياتي كلها عذاب ما شي بريدو بصير وانا عندي قناعه انه انا مالي حظ بالدنيا يعني بحياتها حياتي ما حتصير حلوه انا بدرس بالجامعه وبواجه مشاكل كتير بتعليمي وما بذكر ولا يوم مر علي كان حلو ..
حبيبي بالوقت الحالي بعلاقه معي وبعلاقه جديده مع فتاه تانيه وهي خطيبتو...
انا عم بكتب وبنفس الوقت عم ببكي انه كيف انا حبيتو طول هالفتره وبالاخير بلمح البصر يصير لبنت غيري وبدل انه يخونني معها صار عم بخونها .. انا بحس اني بديت معه طفلة واربيت على ايدو يعني هو صار يمشي بدمي وانا صرت كتير عصبيه وعم بوخد دوا لتهدئة الاعصاب لاني صرت اعصب على الكل بدون استثناء , هو بحب خطيبتو وبنفس الوقت بموت فيي .
بالفتره الاخيره انا اتقربت لله كتير صرت اصلي ومرات عم بصوم وبطلب انه ربي يغفرلي حبيبي كتير ظلمني علقني فيه وبالاخير رماني ؟؟؟
انا صرت انسانه تانيه لساتني عم بضعف قدام حبيبي بس صرت اوعى من اول .
اسفه اني اطلت عليكم بس حابه اعرف شو اعمل لربي يسامحني وادعولي الله يوفقني خصوصا اني عصيتو كتير.. ادعولي