اضرب زوجي

السلام عليكم اخوتي واخواتي في دنيا الوطن .انا متزوجه والحمد لله زوجي كتير محترم ومابقصر معي ولا بشي وانا بالمقابل ببادلو كل الاحترام والمحبه يعني متفاهمين .المشكله فيه انا انو لما زوجي يعصب علي الاخر ونادرا مايعصب بيمد ايدو عليه بس برجع بتندم وبعتذرلي بس انا مابقصر معو ازا مد ايدو بمد ايدي انا كمان لانو انا كرامتي عندي اهم من كل شي يعني مثلا لو اذاني بشي لازم اردلو اياه مابيهدي اللي بال الا لما اردلو الاذى علي سبيل المثال احيانا بتصل عليه وبيكون معصب بيروح يسكر التلفون بوجهي بالمقابل انا برجع اتصل عليه ولما يرد هوي بسكر بوجهو يعني استحاله امرقلو شي الا لازم اردلو اياها مها كان بالمقابل برجع احكيلكم اني بحترمو وبحبو وعندي اياه بالدنيا كلها بس مابعرف عند كرامتي بنسي كل شي.بدي منكم تحكولي اللي بعملو شي غلط؟؟ للعلم اني انا كمان برجع اندم علي عملتو..ووشكرا كتير الكو